ന്യൂദല്ഹി: ടീച്ചര് എലിജിബിലിറ്റി ടെസ്റ്റുമായി ബന്ധപ്പെട്ട് സുപ്രീംകോടതിയില് നിന്നുണ്ടായ വിധിയെത്തുടര്ന്ന് അധ്യാപകര്ക്കുണ്ടായ ആശങ്കയും അരക്ഷിതബോധവും അകറ്റാനുള്ള ഇടപെടല് നടത്തണമെന്നാവശ്യപ്പെട്ട് രാജ്യസഭാംഗം സി. സദാനന്ദന് മാസ്റ്റര് കേന്ദ്രവിദ്യാഭ്യാസമന്ത്രി ധര്മേന്ദ്രപ്രധാന് നിവേദനം നല്കി. വിഷയം അനുഭാവപൂര്വം വിലയിരുത്തി ആവശ്യമായ നടപടികള് സ്വീകരിക്കുമെന്ന് കേന്ദ്രമന്ത്രി എംപി ക്ക് ഉറപ്പുനല്കി.
ആയിരക്കണക്കിന് അധ്യാപകരില് ആശങ്ക സൃഷ്ടിച്ച സുപ്രീംകോടതി വിധിയെ തുടര്ന്നുള്ള സാഹചര്യങ്ങളില് കേന്ദ്രസര്ക്കാര് ഇടപെടല് ഫലം കാണുമെന്നാണ് പ്രതീക്ഷയെന്ന സദാനന്ദന് മാസ്റ്റര് എംപി അറിയിച്ചു.
