വര്ക്കല: ശിവഗിരിയില് ശ്രീനാരായണ ഗുരുദേവിന്റെ ജന്മവാര്ഷികാഘോഷങ്ങളില് പങ്കെടുത്ത ശേഷം ഗവര്ണര് രാജേന്ദ്ര വിശ്വനാഥ് ആര്ലേക്കര് പാപനാശം ബിച്ചും സന്ദര്ശിച്ചു. ഭാര്യ അനഘ ആര്ലേക്കര്, മകന് അമോഗ് ആര്ലേക്കര്, മകന്റെ ഭാര്യ വരദ മറാത്തേ എന്നിവര്ക്കൊപ്പമാണ് ഗവര്ണര് ബീച്ചിലെത്തിയത്.
ശിവഗിരിയിലെ പരിപാടി കഴിഞ്ഞ് ബീച്ചിലെത്തിയപ്പോള് നട്ടുച്ച. പൊള്ളുന്ന വെയില്. ചൂട് കണക്കാക്കാതെ തീരത്തേയ്ക്ക് ഇറങ്ങി. സന്ദര്ശകരുമായി കുശലം പറഞ്ഞു. ലൈഫ് ഗാര്ഡുകളോട് ജോലിയെക്കുറിച്ച് ചോദിക്കുകയും ഒപ്പം നിന്ന ചിത്രം എടുക്കുകയും ചെയ്തു.
‘പൊള്ളുന്ന വെയിലാണെങ്കിലും കടലില് നിന്ന് വീശുന്ന കാറ്റിന് നല്ല കുളിര്മ തോന്നുന്നു. ഗോവ തീരങ്ങളില് സാധാരണ ചൂടുകാറ്റായിരിക്കും’ അദ്ദേഹം പറഞ്ഞു. പാപനാശം മനോഹര തീരമാണെന്നും വര്ക്കയിലെത്തുന്നവര് കാണാതെ പോകരുതെന്നും ഗവര്ണര് രാജേന്ദ്ര ആര്ലേക്കര് പറഞ്ഞു.
