തിരുവനന്തപുരം: കേരളത്തിലെ മാധ്യമങ്ങള്ക്ക് വലിയ പ്രശ്നമുണ്ട്, ചില അറബിപ്പേരുകള് കണ്ടാല് അവരെ നന്മമരമാക്കും, മനാഫ് നന്മമരമായത് അങ്ങിനെയെന്ന് യുവരാജ് ഗോകുല്. “സാധാരണ എല്ലാവരും ചെയ്യുന്ന കാര്യങ്ങള് തന്നെയാണ് അവരും ചെയ്യുന്നത്. പക്ഷെ അറബിപ്പേരുകള് ഉള്ളവര് അത് ചെയ്താല് അവര് എന്തോ കഷ്ടപ്പെട്ട് കുറെ കാര്യങ്ങള് ചെയ്യുന്നതായി ഇവിടുത്തെ മാധ്യമങ്ങള് ഉയര്ത്തുമെന്നും യുവരാജ് ഗോകുല് പറഞ്ഞു.
ഇങ്ങിനെ കുറെ വ്യാജ നന്മമരങ്ങളെ കേരളത്തിലെ മാധ്യമങ്ങല് ഊതിപ്പെരുപ്പിച്ചിട്ടുണ്ട്. പണ്ട് ഇതുപോലെ കേരളത്തിലെ മാധ്യമങ്ങള് സൃഷ്ടിച്ച ചില ചാരിറ്റി നന്മമരങ്ങളെയൊന്നും ഇപ്പോള് കാണാനില്ലെന്നും യുവരാജ് ഗോകുല് പറഞ്ഞു.
ധര്മ്മസ്ഥല തുടക്കം മുതല് വലിയ ഗൂഢാലോചന നടന്ന വിഷയമാണ്. അതില് പങ്കെടുത്ത യൂട്യൂബര്മാരായാലും മനുഷ്യാവകാശപ്രവര്ത്തകരായാലും അവരുടെയെല്ലാം ധൈര്യം ചോര്ന്നുപോകുമെന്ന് ഉറപ്പാണ്. അത്യധികം വ്യാജമായ കേസാണ് ധര്മ്മസ്ഥലയിലേത്. 10-30 വര്ഷം കൊണ്ട് ഒരു സ്ഥലത്ത് 400-500 പേരെ കുഴിച്ചിട്ടെന്ന് പറയുന്നു. പിന്നീട് ഇങ്ങിനെ കുഴിച്ചിട്ടവരുടെ എണ്ണം ആയിരം വരെയെത്തി. ഏറ്റവും ഹിന്ദുവിരുദ്ധനായ മുഖ്യമന്ത്രിയാണ് ഇപ്പോള് കര്ണ്ണാടക ഭരിയ്ക്കുന്ന സിദ്ധരാമയ്യ. അവിടെ എന്തെങ്കിലും ഒരു കുഴപ്പം കണ്ടെത്താനായി എങ്കില് ഇങ്ങിനെയൊന്നുമായിരിക്കില്ല നടക്കുന്നത്. പറഞ്ഞുവരുന്നത് ഈ കള്ളക്കഥകള് ഹിന്ദു ക്ഷേത്രത്തെ താറടിച്ച് കാണിക്കാനുള്ള ഒരു ശ്രമം മാത്രമാണ്.അതിലൂടെ ബിജെപിയെയും ആര്എസ്എസിനെയും താറടിക്കാനാണ് ശ്രമം. – യുവരാജ് ഗോകുല് പറയുന്നു.
കോയമ്പത്തൂരില് ഇഷാ യോഗ സെന്ററിനെതിരെയും ഇതുപോലെ താറടിക്കാനുള്ള ശ്രമമാണ് നടക്കുന്നത്. ഇത് ധര്മ്മസ്ഥലയില് മാത്രമല്ല, തൃശൂര് പൂരത്തിലും അത് നടക്കുന്നു. അമൃതാനന്ദമയീമഠത്തെ തകര്ക്കാനും ശ്രമം ഉണ്ടായിട്ടുണ്ട്. ധര്മ്മസ്ഥലയില് പെണ്കുട്ടികളുടെ ജഡം കുഴിച്ചിട്ടു എന്ന് പറഞ്ഞ ശുചീകരണത്തൊഴിലാളി ഒരു തലയോട്ടിയും കൊണ്ട് വന്നിരുന്നു. ആ തലയോട്ടി സ്ത്രീകളുടേതാണെന്ന് പറഞ്ഞാണ് കൊണ്ടുവന്നത്. പക്ഷെ അത് പുരുഷന്റേതാണെന്ന് ഫോറന്സിക് പരിശോധനയില് തെളിഞ്ഞു. ആ തലയോട്ടിയ്ക്കൊപ്പം ഉണ്ടായിരുന്ന മണ്ണ് ധര്മ്മസ്ഥലയിലേതല്ല, അവിടുത്തെ ഒരു പ്രമുഖ രാഷ്ട്രീയനേതാവിന്റെ പറമ്പിലെ മണ്ണാമെന്നാണ് പറയുന്നത്. ഈ വിഷയത്തില് ന്യൂസ് മിനിറ്റ് പോലുള്ള മാധ്യമങ്ങള് ആവേശത്തോടെ രംഗത്തുണ്ടായിരുന്നു. ശബരിമല വിഷയത്തിലും ഹിന്ദുത്വത്തിനെ ദുര്ബലപ്പെടുത്താന് രംഗത്തുണ്ടായിരുന്നവരാണ് ന്യൂസ് മിനിറ്റും റിപ്പോര്ട്ടറായ ധന്യാ രാജേന്ദ്രനും. – യുവരാജ് ഗോകുല് പറയുന്നു.
അതുപോലെ അനന്യാഭട്ട് എന്ന മെഡിക്കല് വിദ്യാര്ത്ഥിനി കൊല്ലപ്പെട്ടു എന്ന് പ്രചരിപ്പിച്ചിരുന്നു. അവരുടെ അമ്മ എന്ന് പറഞ്ഞ് ഒരു സുജാത ഭട്ടും രംഗത്തുണ്ടായിരുന്നു. എന്നാല് അനന്യാഭട്ട് എന്ന പേരില് ഒരു പെണ്കുട്ടിയില്ലെന്നും സുജാത ഭട്ട് കള്ളം പറയുകയായിരുന്നുവെന്നും തെളിഞ്ഞു. സുജാത ഭട്ട് തന്റെ അണ്ടറിലുണ്ടെന്നാണ് മനാഫ് പറഞ്ഞിരുന്നത്.. ഇതുപോലുള്ള പ്രസ്താവനയ്ക്ക് അന്വേഷണ ഏജന്സിക്ക് മുന്പാകെ മനാഫ് വിശദീകരണം നല്കിയേ തീരു. – യുവരാജ് ഗോകുല് പറയുന്നു.
