തിരുവനന്തപുരം: യൂത്ത് കോണ്ഗ്രസ് നേതാവ് വി.എസ്. സുജിത്തിനെ കുന്നംകുളം പൊലിസ് സ്റ്റേഷനില് ക്രൂരമായി മര്ദിച്ച കേസില് പ്രതികളായ പൊലിസുകാരെ സസ്പെന്ഡ് ചെയ്യാന് ഉത്തരമേഖല ഐജിക്ക് സമര്പ്പിച്ച റിപ്പോര്ട്ടില് തൃശൂര് റേഞ്ച് ഡിഐജി ഹരിശങ്കര് ശുപാര്ശ ചെയ്തു. എസ്ഐ നൂഹ്മാന്, സിപിഒമാരായ ശശിധരന്, സന്ദീപ്, സജീവന് എന്നിവര്ക്കെതിരെയാണ് നടപടി വരിക.
നിലവിലെ അച്ചടക്ക നടപടികള് പുനഃപരിശോധിക്കണമെന്നും കേസ് കോടതിയുടെ പരിഗണനയിലായതിനാല് സസ്പെന്ഷന് അനിവാര്യമാണെന്നും റിപ്പോര്ട്ടില് പറയുന്നു. 2023 ഏപ്രില് 5-ന് യൂത്ത് കോണ്ഗ്രസ് ചൊവന്നൂര് മണ്ഡലം പ്രസിഡന്റ് വി.എസ്. സുജിത്തിനെ മര്ദിച്ച് കേസിലാണ് ഇപ്പോള് നടപടിക്ക് ശുപാര്ശ ചെയ്തത്. അന്നത്തെ സംഭവത്തില് സിസിടിവി ദൃശ്യങ്ങള് പുറത്തുവന്ന പശ്ചാത്തലത്തിലാണ് ഇതേക്കുറിച്ച് റിപ്പോര്ട്ട് നല്കാന് ഉത്തരമേഖല ഐജി നിര്ദേശം നല്കിയത്.
കുന്നംകുളം സ്റ്റേഷനിലെ മര്ദ്ദനം: പൊലീസുകാരെ സസ്പെന്ഡ് ചെയ്യാന് ശുപാര്ശ
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.