തിരുവനന്തപുരം: ശബരിമല യുവതി പ്രവേശനവുമായി ബന്ധപ്പെട്ട് തിരുവിതാംകൂര് ദേവസ്വം ബോര്ഡ് സുപ്രീംകോടതിയില് സ്വീകരിച്ച നിലപാട് തിരുത്തണമെന്ന് ബിജെപി നേതാവും മുന് കേന്ദ്ര മന്ത്രിയുമായ വി മുരളീധരന്. നിലപാട് തിരുത്തുന്നതുമായി ബന്ധപ്പെട്ട കാര്യങ്ങള് സുപ്രീംകോടതിയെ അറിയിച്ചിട്ടുണ്ടോ എന്ന് വി മുരളീധരന് ചോദിച്ചു.
സുപ്രീംകോടതിയെ ദേവസ്വം അറിയിച്ചിട്ടുണ്ട് എന്നത് നമ്മളോട് പറയുന്നതാണ്. അവിടെ കൊടുത്തോ, എപ്പോഴാണ് കൊടുത്തത,് എന്താണ് കൊടുത്തത് എന്നറിയില്ലെന്നും മുരളീധരന് പറഞ്ഞു.സര്ക്കാരും ദേവസ്വവും ഈ നാട്ടിലെ വിശ്വാസികളുടെ താത്പര്യങ്ങള്ക്ക് അനുസൃതമായിട്ട് പോകണം എന്നാണ് ബിജെപിയുടെ നിലപാട്. അതിനാല് പമ്പയില് അയ്യപ്പ സംഗമം നടത്തുമ്പോള് ദേവസ്വം ബോര്ഡ് കഴിഞ്ഞ കാലങ്ങളില് സ്വീകരിച്ചിട്ടുളള സമീപനം തെറ്റാണ് എന്ന് ബോധ്യമായിട്ടുള്ള സാഹചര്യത്തില് അത് തിരുത്തണം.
അതേസമയം, ശബരിമലയിലെ യുവതി പ്രവേശനത്തെ അനുകൂലിച്ച മുന് നിലപാടില് നിന്ന് പിന്മാറാനുള്ള നീക്കം ദേവസ്വം ബോര്ഡ് നടത്തുന്നുണ്ട്. സുപ്രീംകോടതിയില് നല്കിയ സത്യവാംഗ്മൂലം തിരുത്തുന്നത് നിയമവിദഗ്ധരുമായി ആലോചിച്ചു തീരുമാനിക്കുമെന്ന് ദേവസ്വം ബോര്ഡ് പ്രസിഡന്റ് പറഞ്ഞു. ആഗോള അയ്യപ്പ സംഗമത്തിനായി വെര്ച്ച്വല് ക്യു രജിസ്ട്രേഷന് ചൊവ്വാഴ്ച ആരംഭിക്കും. വിദേശത്ത് നിന്ന് 500 പ്രതിനിധികള് അടക്കം 3000 പേരെ പങ്കെടുപ്പിക്കും എന്നും ദേവസ്വം ബോര്ഡ് അറിയിച്ചു.
ആഗോള അയ്യപ്പഭക്ത സംഗമം നടത്തും മുമ്പ് ശബരിമലയിലെ യുവതീപ്രവേശനത്തെ അനുകൂലിച്ച് സുപ്രീം കോടതിയില് വാദിച്ച തിരുവിതാംകൂര് ദേവസ്വം ബോര്ഡ്, നിലപാട് തിരുത്തണമെന്ന് ബിജെപി സംസ്ഥാന അധ്യക്ഷന് രാജീവ് ചന്ദ്രശേഖറും ആവശ്യപ്പെട്ടിരുന്നു.
