തിരുവനന്തപുരം: സ്കൂളുകള് സ്റ്റാര്ഹോട്ടലുകളെന്ന് തെറ്റിദ്ധരിച്ച് വിദേശികള് എത്തുന്നുവെന്ന പൊള്ളത്തരത്തിന് പിന്നാലെ പുതിയ അവകാശ വാദവുമായി വിദ്യാഭ്യാസമന്ത്രി വി.ശിവന്കുട്ടി.
സ്കൂളുകള് എല്ലാം കേന്ദ്ര പദ്ധതിയായ പിഎം ശ്രീ നിലവാരത്തിലുള്ളതാണെന്നും അതിനാല് പിഎം ശ്രീ പദ്ധതി കേരളത്തിന് വേണ്ടെന്നുമാണ് മന്ത്രിയുടെ പുതിയ അവകാശ വാദം. തകരഷീറ്റില് പെയിന്റടിച്ചും പൊട്ടിയ ഓടിട്ട മേല്ക്കൂരകളുമുള്ള സ്കൂളുകള് നിരവധിയുള്ളപ്പോഴാണ് പിഎംശ്രീ വേണ്ടെന്ന വിദ്യാഭ്യാസ വകുപ്പ് നിലപാട്. വഞ്ചിയൂര് സ്കൂളിന് ഇപ്പോഴും ചോര്ന്നൊലിക്കുന്ന ഷീറ്റിട്ട മേല്ക്കൂരയാണ്. പിഎംജിയിലുള്ള സിറ്റി വിഎച്ച്എസ്എസ് സകൂളിലെ കെട്ടിടങ്ങളുടെ മേല്ക്കൂര തകരഷീറ്റിലാണ്. പഴയകെട്ടിടത്തിനുമുകളില് ഷീറ്റ് ഉപയോഗിച്ച് മേല്ക്കൂര നിര്മിച്ചിരിക്കുകയാണ് ഇവിടെ. ദേശീയ വിദ്യാഭ്യാസ നയം അനുസരിച്ച് പിഎംശ്രീ സ്കൂളുകള് പ്രവര്ത്തിക്കണം എന്നതിനാലാണ് സംസ്ഥാനസര്ക്കാര് പദ്ധതിയോട് മുഖം തിരിക്കുന്നത്.
