ടിന്ജിയാന് (ചൈന): ഇന്ത്യയുമായി ചൈന എത്രത്തോളം അടുത്തിരിക്കുന്നു എന്നതിന്റെ വിളംബരമായിരുന്നു ടിന്ജിയാനില് എസ് സിഒ സമ്മേളനം നടക്കുന്നതിന് അടുത്ത് ഒരുക്കിയ ഒരു വേദിയിലെ മൂന്ന് ചൈനക്കാരികളുടെ പ്രകടനം. വേദിയില് തബലയും സന്തൂറും സിത്താറും മീട്ടി മൂന്ന് ചൈനീസ് മിടുക്കികള് വന്ദേമാതരം അല്പം പോലും തെറ്റാതെ മുഴുവനായി വായിച്ചു.
Indian music & dance performed by Chinese artists to welcome PM Modi. 🇮🇳🤝🇨🇳#ModiInChina pic.twitter.com/kmfQCrGi2v
— Xu Feihong (@China_Amb_India) August 31, 2025
വന്ദേമാതരത്തില് ഉള്ച്ചേര്ന്നിരിക്കുന്ന മെലഡി പോലും അവര് അതേ പടി പകര്ത്തിയപ്പോള് പ്രധാനമന്ത്രി മോദിക്ക് കൗതുകം. അദ്ദേഹം സ്റ്റേജിനടുത്ത് നിന്ന് അവരുടെ പ്രകടനം സാകൂതം വീക്ഷിച്ചിരുന്നു. അതിന് പിന്നാലെ ചൈനക്കാരികള് ഭരതനാട്യവും കുച്ചിപ്പുടിയും എല്ലാം അവര് അവതരിപ്പിച്ചു. ഇതോടെ ഏറെ അത്ഭുത കൂറിയ മോദി കലാകാരികളുമായി ഏറെ നേരം സംവദിച്ചു.
ഇന്ത്യയിലെ ചൈനീസ് അംബാസഡര് ഷൂ ഫെയ്ഹോങ്ങാണ് ഇതിന്റെ വീഡിയോ എക്സില് പങ്കുവെച്ചത്. എത്രമാത്രം ഇന്ത്യയുടെ സംസ്കാരത്തെ ചൈനക്കാര് ഒപ്പിയെടുത്തിരിക്കുന്നു എന്നതിന്റെ കൂടി വിളംബരമായി ഇത് മാറി.
