തിരുവനന്തപുരം: കെ സ്റ്റോര് ആക്കുന്ന റേഷന് കടകളില് ഇനി മുതല് പാസ്പോര്ട്ടിനുളള അപേക്ഷയും നല്കാം. കെ സ്റ്റോറുകളില് അക്ഷയ സെന്ററുകള് വഴിയുള്ള സേവനങ്ങളും ലഭിക്കുമെന്ന് ഭക്ഷ്യ സിവില് സപ്ലൈസ് മന്ത്രി ജി.ആര്. അനില് അറിയിച്ചു.
തിരുവനന്തപുരത്ത് കെ സ്റ്റോര് ഉദ്ഘാടനം ചെയ്ത് സംസാരിക്കുകയായിരുന്നു മന്ത്രി.ഗ്രാമ പ്രദേശത്തുളളവര്ക്ക് അവശ്യ സേവനങ്ങള്ക്ക് വേണ്ടി പട്ടണങ്ങളിലേക്കുള്ള ദീര്ഘ ദൂര യാത്രകള് ഒഴിവാക്കാന് ഇതിലൂടെ സാധിക്കും.നിലവില് സംസ്ഥാനത്ത് 2300ലധികം കടകള് കെ സ്റ്റോര് ആയിട്ടുണ്ട്.
ഓണം കഴിയുമ്പോള് 14000 റേഷന് കടകള് കൂടി കെ സ്റ്റോര് ആക്കാനാണ് ലക്ഷ്യമിടുന്നതെന്നും മന്ത്രി പറഞ്ഞു. ആധാര് സേവനങ്ങള്, പെന്ഷന് സേവനങ്ങള്, ഇന്ഷ്വറന്സ് സേവനങ്ങള്, ടിക്കറ്റ് ബുക്കിംഗ് തുടങ്ങിയ സേവനങ്ങളെല്ലാം ഇനി കെ-സ്റ്റോര് വഴി ലഭ്യമാക്കും.
