ചെന്നൈ: നടന് വിശാലും നടി സായ് ധന്സികയും തമ്മിലുള്ള വിവാഹനിശ്ചയം കഴിഞ്ഞു. വിശാല് തന്നെയാണ് വിവരം സമൂഹ മാധ്യമങ്ങളിലൂടെ ആരാധകരെ അറിയിച്ചത്. ഇരുവീട്ടുകാര് മാത്രമടങ്ങുന്ന സ്വകാര്യ ചടങ്ങ് ആയാണ് നിശ്ചയം നടത്തിയത്. ഈ വർഷം അവസാനം വിവാഹം ഉണ്ടാകുമെന്നാണ് വിവരം.
15 വർഷം നീണ്ടുനിന്ന സൗഹൃദത്തിനൊടുവിലാണ് ഇരുവരുടെയും വിവാഹം. വിശാലിന്റെ 48-ാം ജന്മജിനത്തിലാണ് വിവാഹ നിശ്ചയം നടന്നതെന്ന പ്രത്യേകതയുമുണ്ട്. ട്രഡിഷണൽ വസ്ത്രങ്ങള് ധരിച്ച് പരസ്പരം ചേര്ത്ത് പിടിച്ച് ഇരുവരും നില്ക്കുന്നതിന്റേയും പരസ്പരം വിരലുകളില് മോതരം അണിയിക്കുന്നതിന്റേയും ചിത്രങ്ങളാണ് വിശാല് പങ്കുവെച്ചത്. ഒപ്പം കുടുംബാംഗങ്ങള്ക്കൊപ്പമുള്ള ചിത്രവുമുണ്ട്.
എന്റെ ജന്മദിനത്തിൽ ലോകത്തിന്റെ വിവിധ ഭാഗങ്ങളില് നിന്ന് എനിക്ക് ആശംസകൾ നൽകിയ എല്ലാ പ്രിയപ്പെട്ടവര്ക്കും നന്ദി. സായ് ധന്സികയ്ക്കൊപ്പം എന്റെ വിവാഹനിശ്ചയം നടന്നു എന്ന സന്തോഷവാര്ത്ത സന്തോഷപൂര്വം അറിയിക്കുന്നു. എല്ലാവരുടേയും അനുഗ്രഹം തേടുന്നു.’ ചിത്രങ്ങൾ പങ്കുവെച്ച് വിശാൽ കുറിച്ചു.
തമിഴില് ശ്രദ്ധേയമായ നിരവധി കഥാപാത്രങ്ങള് ചെയ്ത അഭിനേത്രിയാണ് സായ് ധന്സിക. 2006-ല് പുറത്തിറങ്ങിയ ‘മനതോട് മഴൈക്കാലം’ എന്ന ചിത്രത്തിലൂടെയാണ് അരങ്ങേറ്റം. കബാലി, പേരാൺമൈ, പരദേശി തുടങ്ങിയ തമിഴ് ചിത്രങ്ങളിലെ പ്രകടനത്തിലൂടെ ശ്രദ്ധേയയാണ് ധൻസിക.
നടി സായ് ധന്സികയും തമ്മില് പ്രണയത്തിലാണ് എന്ന വാര്ത്ത അടുത്തിടെയാണ് പുറത്തുവന്നത്. കഴിഞ്ഞ മേയില് സിനിമയുടെ ഓഡിയോ ലോഞ്ചിനിടെ വിശാല് തന്നെയാണ് ഇക്കാര്യം വെളിപ്പെടുത്തിയത്.
