തിരുവനന്തപുരം: സംസ്ഥാന സര്ക്കാരിന്റെ കര്ഷക ദ്രോഹ നടപടിക്കെതിരേ 20 കര്ഷക സംഘടനകളടങ്ങിയ കേരള സംയുക്ത കര്ഷകവേദിയുടെ നേതൃത്വത്തില് സെക്രട്ടേറിയറ്റിനു മുന്നില് ധര്ണ നടത്തി. കേന്ദ്രം കര്ഷകര്ക്ക് അനുവദിച്ച തുക ഉള്പ്പെടെ വകമാറ്റി ചെലവാക്കി കര്ഷകരെ പട്ടിണിയിലാക്കിയ സംസ്ഥാന സര്ക്കാരിന്റെ നടപടിയില് പ്രതിഷേധിച്ച് കതിര്ക്കറ്റകളുമായെത്തിയ കര്ഷകര് മണ്ണുകൊണ്ട് സദ്യവിളമ്പി.
രാജ്യം പദ്മശ്രീ നല്കി ആദരിച്ച കര്ഷകന് സത്യനാരായണ ബെലേരി ധര്ണ ഉദ്ഘാടനം ചെയ്തു. സംസ്ഥാനത്തെ കര്ഷകര് ഒരുപാട് പ്രതിസന്ധികളിലൂടെയാണ് കടന്നുപോകുന്നതെന്നും കര്ഷകരില്ലെങ്കില് ഈ നാടില്ലെന്നും അദ്ദേഹം പറഞ്ഞു. അന്നം തരുന്നവരാണ് കര്ഷകര്. അതിനാല് കര്ഷകരുടെ ആവശ്യങ്ങള് സര്ക്കാര് അനുഭാവപൂര്വം പരിഗണിക്കണം. കര്ഷകരുടെ പ്രതിസന്ധികള്ക്ക് അടിയന്തര പരിഹാരം കാണണമെന്നും അദ്ദേഹം ആവശ്യപ്പെട്ടു.
ബിജെപി സംസ്ഥാന അധ്യക്ഷന് രാജീവ് ചന്ദ്രശേഖര് മുഖ്യപ്രഭാഷണം നടത്തി. കേരള സംയുക്ത കര്ഷക വേദി രക്ഷാധികാരി കുമ്മനം രാജശേഖരന് ധര്ണയെ അഭിസംബോ
ധന ചെയ്തു. ചെയര്മാന് നടന് കൃഷ്ണ പ്രസാദ് അധ്യക്ഷനായി. കര്ഷക മോര്ച്ച സംസ്ഥാന പ്രസിഡന്റ് ഷാജി രാഘവന്, കര്ഷകവേദി വര്ക്കിങ് ചെയര്മാനും ബിജെപി
വൈസ് പ്രസിഡന്റുമായ സി. കൃഷ്ണകുമാര്, കര്ഷകരായ പാണ്ടിയോട് പ്രഭാകരന്, ചിദംബരന്കുട്ടി, ജോര്ജ് മാത്യു, എം.വി. രാജേന്ദ്രന്, അഡ്വ. ശിവശങ്കരന്, സജീഷ് കുന്നത്തൂര്, എം.വി. രാമചന്ദ്രന്, രഞ്ജിത്ത്, അദിരവന് തുടങ്ങിയവര് പ്രസംഗിച്ചു.
പാലക്കാട് മുതല് തിരുവനന്തപുരം വരെയുള്ള ഇരുപതോളം സ്വതന്ത്ര കര്ഷക സംഘടനകള് ചേര്ന്നതാണ് കേരള സംയുക്ത കര്ഷക വേദി. കേരളത്തില് ആദ്യമായാണ് കര്ഷകര്ക്കായി സംയുക്തവേദി സെക്രട്ടേറിയറ്റിന് മുന്നില് സമരം ചെയ്യുന്നത്. ഓരോ ജില്ലയില് നിന്നുള്ള കര്ഷകര് ചെറുജാഥകളായാണ് സെക്രട്ടേറിയറ്റിനു മുന്നിലേക്കെത്തിയത്.
