തിരുവനന്തപുരം: തിരുവനന്തപുരം ജനറല് ആശുപത്രിയില് യുവതിയുടെ നെഞ്ചില് ഗൈഡ് വയര് കുടുങ്ങിയ സംഭവത്തില് ഉത്തരവാദികള്ക്കെതിരെ കര്ശന നടപടി സ്വീകരിക്കുമെന്നും നേരത്തെതന്നെ വിദഗ്ധസമിതിയെ അന്വേഷണത്തിനായി നിയോഗിച്ചതാണെന്നും ആരോഗ്യ മന്ത്രി . ഏതാനും മാസങ്ങള്ക്ക് മുന്പാണ് ഇത് കണ്ടുപിടിച്ചത്. വിദഗ്ദ്ധ സമിതിയുടെ റിപ്പോര്ട്ട് ലഭിച്ചിട്ടില്ല. യുവതി ഇപ്പോള് പരാതി ഉന്നയിച്ചിട്ടുണ്ട്.
2023 മാര്ച്ച് 22 നാണ് തിരുവനന്തപുരം ജനറല് ആശുപത്രിയില് മലയന്കീഴ് സ്വദേശി സുമയ്യ ചികിത്സ തേടിയത്. ഡോ.രാജിവ് കുമാറാണ് റോയ്ഡ് ഗ്രന്ഥി എടുത്തു കളയുന്ന ശസ്ത്രക്രിയ നടത്തിയത്. ശസ്ത്രക്രിയയ്ക്കുശേഷം ഞരമ്പ് കിട്ടാതെ വന്നപ്പോള് രക്തവും മരുന്നുകളും നല്കാനായി സെന്ട്രല് ലൈനിട്ടു. ഇതിന്റെ ഗൈഡ് വയറാണ് നെഞ്ചില് കുടുങ്ങിയത്. ശസ്ത്രക്രിയയ്ക്ക് ശേഷം ഇത് തിരികെ എടുക്കാത്തത് മൂലം കടുത്ത ശാരീരിക ബുദ്ധിമുട്ടുകള് നേരിടുന്നുവെന്നാണ് യുവതിയുടെ പരാതി.
