ന്യൂദല്ഹി: വഴിയോരക്കച്ചവടക്കാര്ക്കുള്ള വായ്പ പദ്ധതി (പിഎം സ്വനിധി) 2030 മാര്ച്ച് 31 വരെ നീട്ടാനും പദ്ധതി പുനഃസംഘടിപ്പിക്കാനും വായ്പത്തുക കൂട്ടാനും കേന്ദ്രമന്ത്രിസഭാ യോഗ തീരുമാനം.
പദ്ധതിയുടെ അടങ്കല് 7332 കോടി രൂപയാക്കിയ സര്ക്കാര് 50 ലക്ഷം പേരെക്കൂടി ചേര്ക്കാന് തീരുമാനിച്ചു. ഇതോടെ തെരുവുവ്യാപാരി ആത്മനിര്ഭര് നിധിയുടെ പ്രയോജനം 1.15 കോടി പേര്ക്കു ലഭിക്കും. കേന്ദ്ര ഭവന-നഗരകാര്യ മന്ത്രാലയവും ഫിനാന്ഷ്യല് സര്വീസസ് വകുപ്പും ചേര്ന്നാണ് പദ്ധതി നടപ്പാക്കുക.
വായ്പയുടെ ആദ്യഗഡു 10,000 രൂപ നല്കിയിരുന്നത് 15,000 രൂപയാക്കി. രണ്ടാം ഗഡു 20,000ല് നിന്ന് 25,000 രൂപയാക്കി. മൂന്നാം ഗഡു 50,000 രൂപയാണ്. അതില് മാറ്റമില്ല. റൂപെ കാര്ഡുപയോഗിച്ച് വളരെ വേഗം വായ്പയെടുക്കാം. ചെറുകിട മൊത്ത വ്യാപാരങ്ങള്ക്കു ഡിജിറ്റല് ഇടപാടു സ്വീകരിച്ചാല് 1600 രൂപ ഇന്സെന്റീവും ലഭിക്കും. കൊവിഡ് കാലത്തു വഴിയോര വ്യാപാരികളുടെ ബുദ്ധിമുട്ടു പരിഹരിക്കാന് 2020 ജൂണ് ഒന്നിനു കേന്ദ്രം തുടങ്ങിയതാണ് പദ്ധതി. അതു വഴിയോര വ്യാപാരികള്ക്കു വലിയ പിന്തുണയായതോടെ കേന്ദ്രം ഇതു വിപുലമാക്കി, നീട്ടി. പദ്ധതി വഴി 68 ലക്ഷം പേര്ക്ക് 96 ലക്ഷം വായ്പകള് വഴി, 13797 കോടി രൂപ ജൂലൈ വരെ നല്കി.
12,328 കോടിയുടെ നാലു റെയില് പദ്ധതികള്ക്കും കേന്ദ്രം അനുമതിയേകി.
