തിരുവനന്തപുരം: പൊന്മുടിയില് കൊക്കയിലേക്ക് ചാടിയ ആര്യനാട് കുന്നുനട സ്വദേശി അബ്ദുള് വാഹീദ് (62) ന്റെ മൃതദേഹം കണ്ടെത്തി.ബുധനാഴ്ച ഉച്ചയോടെയായിരുന്നു അബ്ദുള് വാഹീദ് പൊന്മുടി മലമുകളില് നിന്നും ചാടിയത്.
പൊന്മുടിയിലേക്ക് വന്ന വിനോദ സഞ്ചാരികള് വഴിയരികില് ബൈക്കും ചെരുപ്പും കിടക്കുന്നത് കണ്ട് പൊലീസിനെ അറിയിച്ചു. 22ാം വളവിന് സമീപം താഴേക്ക് ചാടിയെന്ന സൂചന ലഭിച്ച പൊലീസ് സമീപത്ത് പരിശോധന നടത്തിയപ്പോള് മൊബൈല് ഫോണും ബാങ്ക് രേഖകളും ലഭിച്ചു. ഇതില് നിന്നാണ് ആളെ തിരിച്ചറിഞ്ഞത്.
തുടര്ന്ന് ഫോണില് വിളിച്ച് ബന്ധുക്കളെ വിവരം അറിയിച്ചു. വിതുര യൂണിറ്റില് നിന്നും തിരുവനന്തപുരം യൂണിറ്റില്നിന്നും അഗ്നി രക്ഷാ സേന എത്തിയാണ് റോപ്പ് ഉപയോഗിച്ച് മണിക്കൂറുകള് നീണ്ട പരിശ്രമത്തിനൊടുവില് 200 അടിയോളം താഴ്ചയില് നിന്നും മൃതദേഹം മുകളിലെത്തിച്ചത്.
