തിരുവനന്തപുരം:ലൈംഗിക ആരോപണങ്ങളുടെ പശ്ചാത്തലത്തില് രാഹുല് മാങ്കൂട്ടത്തില് എംഎല്എക്കെതിരെ കേസെടുക്കാന് നീക്കം. പെണ്കുട്ടികളെ പിന്തുടര്ന്ന് ശല്യപ്പെടുത്തിയതിന് കേസെടുക്കുന്ന കാര്യമാണ് പരിഗണിക്കുന്നത്.
പൊലീസിന് ലഭിച്ച പരാതികളുടെ അടിസ്ഥാനത്തിലാണ് കേസെടുക്കാന് പരിശോധന സജീവമാക്കിയത്. എംഎല്എക്കെതിരെ നിരവധി ലൈംഗിക പീഡന ആരോപണങ്ങള് ഉണ്ടായെങ്കിലും നേരിട്ട് പരാതി ലഭിച്ചിരുന്നില്ല. എന്നാല് നിരവധി പെണ്കുട്ടികളെ പിന്തുടര്ന്ന് ശല്യം ചെയ്തുവെന്ന ഓണ്ലൈന് വഴിയുളള വിവരത്തിന്റെ അടിസ്ഥാനത്തിലാണ് കേസെടുക്കാനുള്ള തീരുമാനം.
സൈബര് പൊലീസാവും രാഹുല് മാങ്കൂട്ടത്തില് എംഎല്എക്കെതിരെ കേസെടുക്കുക. മുഖ്യമന്ത്രിയുടെ ഓഫീസിലും ചാറ്റിംഗിലൂടെ പെണ്കുട്ടികളെ ശല്യപ്പെടുത്തിയെന്ന പരാതി മാധ്യമ വാര്ത്തകളുടെ അടിസ്ഥാനത്തില് എത്തിയിരുന്നു. നിയമോപദേശം തേടിയിരിക്കുകയാണ് ഉയര്ന്ന പൊലീസുദ്യോഗസ്ഥര്.
