കോഴിക്കോട് : താമരശേരി ചുരത്തില് മണ്ണിടിച്ചിലിനെ തുടര്ന്ന് ചുരം വഴിയുള്ള ഗതാഗതം പൂര്ണമായി തടസപ്പെട്ടു. വ്യൂ പോയിന്റിന് സമീപം മലയ്ക്ക് മുകളില് നിന്നും പാറയും മണ്ണും ഇടിഞ്ഞുവീഴുകയായിരുന്നു.അഗ്നിരക്ഷാ സേനയും സന്നദ്ധപ്രവര്ത്തകരും സ്ഥലത്തെത്തി മണ്ണ് നീക്കാനുള്ള ശ്രമങ്ങള് നടത്തുകയാണ്. ഒരു വരി ഗതാഗതം സാധ്യമാക്കാനാണ് ശ്രമം.കുടുങ്ങി കിടക്കുന്ന വാഹനങ്ങള് കടത്തിവിടാന് ആണ് പരിശ്രമം. വയനാട്ടിലേക്ക് പോകേണ്ട വാഹനങ്ങള് കുറ്റ്യാടി ചുരം വഴി പോകണമെന്ന് പൊലീസ് അറിയിച്ചു.
ചുരത്തില് വീണ്ടും മണ്ണിടിയുന്ന സാഹചര്യത്തില് വാഹനങ്ങള് ചുരം കയറരുതെന്ന് പൊലീസ് അറിയിച്ചു.ലക്കിടി കവാടത്തിന് സമീപമാണ് വൈകിട്ട് ഏഴ് മണിയോടെ മണ്ണിടിച്ചിലുണ്ടായത്. ജില്ലാ കളക്ടര്, എംഎല്എ, ജില്ലാ പഞ്ചായത്ത് പ്രസിഡന്റ്, എഡിഎം എന്നിവര് സംഭവസ്ഥലത്തെത്തി സ്ഥിതിഗതികള് വിലയിരുത്തി.
വളരെ മുകളില് നിന്നാണ് മരങ്ങളും കൂറ്റന് പാറകളും താഴേക്ക് പതിച്ചതെന്ന് നാട്ടുകാര് പറഞ്ഞു.ചുരം താത്ക്കാലികമായി അടച്ചിട്ട് പാറകള് പൂര്ണമായി പൊട്ടിച്ച് നീക്കുന്ന കാര്യത്തില് ഉള്പ്പെടെ ബുധനാഴ്ച മാത്രമേ തീരുമാനമുണ്ടാകൂ.
