തൃശൂർ : സോഷ്യൽമീഡിയ താരമായ ജാസ്മിൻ ജാഫർ റീൽസ് ചിത്രീകരണത്തിനായി ഗുരുവായൂർ ക്ഷേത്ര കുളത്തിൽ ഇറങ്ങിയത് ഏറെ വിവാദമായിരുന്നു. ഇൻസ്റ്റഗ്രാമിൽ റീൽ പങ്കുവച്ചതിന് പിന്നാലെ ഗുരുവായൂർ ദേവസ്വം അഡ്മിനിസ്ട്രേറ്റർ പരാതിയും നൽകിയിരുന്നു. തുടർന്നാണ് ഗുരുവായൂരിൽ പുണ്യാഹം നടത്താൻ തീരുമാനിച്ചത് . എന്നാൽ ഇതിനെതിരെ പുരോഗമനവാദികൾ എന്ന് അവകാശപ്പെട്ട് ഒരു സംഘം രംഗത്തെത്തി. എന്നാൽ ഇതിനു മറുപടിയുമായി എത്തിയിരിക്കുകയാണിപ്പോൾ ബിജെപി നേതാവ് യുവരാജ് ഗോകുൽ.
ചിലര്ക്ക് ഫോളോവേഴ്സ് കൂട്ടാന് തോന്നിവാസം കാണിക്കാനുള്ള ഇടമല്ല നമ്മുടെ ക്ഷേത്രങ്ങളെന്നും, അത്തരം ആഭാസങ്ങള് നടന്നാല് ശുദ്ധികലശം നടക്കണമെന്നും അതില് കുറഞ്ഞുള്ള പുരോഗമനം മതിയെന്നും യുവരാജ് ഫേസ്ബുക്ക് കുറിപ്പിൽ പറയുന്നു. ക്ഷേത്രത്തില് ഭക്തി കൊണ്ട് വന്ന ശേഷം മനോഹരമായ ഒരു കുളമോ അരയാലോ ഒക്കെ കാണുമ്പോള് ഫോട്ടോയോ വീഡിയോയോ എടുക്കുകയോ ചെയ്ത ആളാണേല് അഭിപ്രായം മറ്റൊന്നായേനെയെന്നും യുവരാജ് പറഞ്ഞു.
ഫേസ്ബുക്ക് പോസ്റ്റിന്റെ പൂർണ്ണരൂപം….
ഗുരുവായൂരിലെ പുണ്യാഹം….
പുരോഗമനവാദികള് എന്ന് വിളിക്കുന്ന ഒരു വിഭാഗം വലിയ തോതില് നിലവിളിയുമായ് എത്തിയത് ശ്രദ്ധയില് പെട്ടു…. പലരും വിഷയത്തിലെ അഭിപ്രായവും ചോദിക്കുന്നുണ്ട്….
ഗുരുവായൂരുള്പ്പെടെയുള്ള ക്ഷേത്ര പരിസരങ്ങളില് ഫോട്ടോയോ വീഡിയോ എടുക്കുന്നത് വിലക്കുന്നത് ശരിയല്ല എന്നാണ് വ്യക്തിപരമായ അഭിപ്രായം…. അതിന്റെ കാര്യകാരണങ്ങള് പറയേണ്ട വേദി ഇതല്ല അതുകൊണ്ട് പറയുന്നില്ല….
പക്ഷേ….
ആ ഫോട്ടോയും വീഡിയോയും എടുക്കാന് അവകാശം ഭക്തര്ക്ക് മാത്രമാണ്….
ചിലര്ക്ക് ഫോളോവേഴ്സ് കൂട്ടാന് തോന്ന്യവാസം കാണിക്കാനുള്ള ഇടമല്ല നമ്മുടെ ക്ഷേത്രങ്ങള്…. ഫോട്ടോഷൂട്ട് കേന്ദ്രങ്ങളല്ലെന്ന് അര്ത്ഥം….
അത്തരം ആഭാസങ്ങള് നടന്നാല് ശുദ്ധികലശം നടക്കണം…. അതില് കുറഞ്ഞുള്ള പുരോഗമനം മതി….
ഇത് ചെയ്തത് ക്ഷേത്രത്തില് ഭക്തി കൊണ്ടെത്തുകയും ശേഷം മനോഹരമായ ഒരു കുളമോ അരയാലോ ഒക്കെ കാണുംബോള് ഫോട്ടോയോ വീഡിയോയോ എടുക്കുകയോ ചെയ്ത ആളാണേല് അഭിപ്രായം മറ്റൊന്നായേനെ….
ക്ഷേത്രങ്ങളെ ഫോട്ടോഷൂട്ട് കേന്ദ്രങ്ങളായി മാത്രം കാണുന്നവര് വരണ്ട….
