ഡെറാഡൂൺ : വെള്ളിയാഴ്ച രാത്രി ഉത്തരാഖണ്ഡിലെ ചമോലി ജില്ലയിലെ തരാലിയിൽ വീണ്ടും മേഘവിസ്ഫോടനം ഉണ്ടായി. പുലർച്ചെ 12:30 നും 1 മണിക്കും ഇടയിലാണ് സംഭവം. സമീപത്തുള്ള രണ്ട് ഗ്രാമങ്ങളായ സാഗ്വാര, ചെപ്ഡോൺ എന്നിവിടങ്ങളിൽ കനത്ത നാശനഷ്ടമുണ്ടായി.
പ്രാദേശിക നദികളിലെ ജലനിരപ്പ് അതിവേഗം ഉയർന്നതിനാൽ തരാലി തഹസിൽ ആസ്ഥാനത്തിന്റെ ഒരു കിലോമീറ്റർ ചുറ്റളവിൽ പല സ്ഥലങ്ങളിലും നാശനഷ്ടങ്ങൾ ഉണ്ടായതായി ചമോലി ഡിഎം സന്ദീപ് തിവാരി പറഞ്ഞു. കൂടാതെ ചെപ്ഡോൺ ഗ്രാമത്തിൽ രണ്ട് പേരെ കാണാതായിട്ടുണ്ട്. രണ്ട് ഗ്രാമങ്ങളിലുമായി 70-80 വീടുകളിൽ രണ്ടടി വരെ അവശിഷ്ടങ്ങൾ കയറി.
ഇതിനു പുറമെ മിങ് ഗധേരയ്ക്ക് സമീപം അവശിഷ്ടങ്ങൾ കാരണം തരാലിയെ ബന്ധിപ്പിക്കുന്ന കർണപ്രയാഗ്-ഗ്വാൾഡാം ദേശീയ പാത അടച്ചിട്ടിരിക്കുകയാണെന്നും ഡിഎം കൂട്ടിച്ചേർത്തു.
