തിരുവനന്തപുരം:സാമൂഹ്യസുരക്ഷ, ക്ഷേമനിധി പെന്ഷന് ഗുണഭോക്താക്കള്ക്ക് രണ്ടു ഗഡു ക്ഷേമ പെന്ഷന് കൂടി അനുവദിച്ചു.ശനിയാഴ്ച മുതല് ഇത് ഗുണഭോക്താക്കള്ക്ക് ലഭിച്ചു തുടങ്ങും.
ഇതിനായി 1679 കോടി അനുവദിച്ചെന്ന് ധനമന്ത്രി കെ എന് ബാലഗോപാല് അറിയിച്ചു. 62 ലക്ഷത്തോളം പേര്ക്കാണ് ഓണത്തിന് 3200 രൂപവീതം ലഭിക്കുന്നത്.
ആഗസ്തിലെ പെന്ഷന് പുറമെ ഒരു ഗഡു കുടിശിക കൂടി അനുവദിച്ചു.26.62 ലക്ഷം പേരുടെ ബാങ്ക് അക്കൗണ്ടില് തുക എത്തും. മറ്റുള്ളവര്ക്ക് സഹകരണ ബാങ്കുകള് വഴി വീട്ടിലെത്തി പെന്ഷന് കൈമാറും.
