തിരുവനന്തപുരം: എ ഐ (നിര്മ്മിത ബുദ്ധി) തയാറാക്കിയ കവിത പാബ്ലൊ നെരൂദയുടെ കവിതയായി പാഠഭാഗത്തില് ഉള്പ്പെടുത്തിയതും വേടനെക്കുറിച്ച് പഠിപ്പിച്ചതിനും വിശദീകരണം തേടി കേരള സര്വകലാശാല വൈസ് ചാന്സലര് ഡോ. മോഹനന് കുന്നുമ്മല്. ബോര്ഡ് ഓഫ് സ്റ്റഡീസിനോടാണ് വിശദീകരണം തേടിയത്. നാല് വര്ഷ ബിരുദ വിദ്യാര്ഥികള്ക്കാണ് ഇംഗ്ലീഷ് വകുപ്പിന്റെ സിലബസില് എഐ കവിതയും, വേടനെയും പഠിപ്പിച്ചത്.
നിര്മ്മിത ബുദ്ധി തയാറാക്കിയ ഇംഗ്ലീഷ് യു ആര് എ ലാഗ്വേജ് എന്ന തലക്കെട്ടുളള കവിതയാണ് ലോക പ്രശസ്ത കവി പാബ്ലോ നെരൂദയുടെതെന്ന് പറഞ്ഞ് വിദ്യാര്ഥികളെ പഠിപ്പിച്ചത്.നാല് വര്ഷ ഡിഗ്രി കോഴ്സുകളിലെ ഒന്നാം സിലബസിലാണ് ഈ ഗുരുതര പിഴവ്.
മൂന്നാം സെമസ്റ്റര് വിദ്യാര്ഥികള്ക്കാണ് വേടന് പാഠമാകുന്നത. കേരളത്തിലെ റാപ്പ് സംസ്കാരത്തെക്കുറിച്ച് പഠിപ്പിക്കുന്ന ഭാഗത്തിലാണ് വേടനെക്കുറിച്ചുള്ള ഭാഗങ്ങള് ഉള്ളത്. പാര്ശ്വവല്ക്കരിക്കപ്പെട്ടവര്ക്കും അടിച്ചമര്ത്തപ്പെട്ടവര്ക്കും വേണ്ടി വേടന് പോരാട്ടം നടത്തിയെന്നാണ് ലേഖനത്തില് പറയുന്നത്.
