മുംബൈ: മഹാരാഷ്ട്ര ഇളക്കിമറിക്കുമെന്ന അവകാശവാദവുമായി 20 വര്ഷത്തിന് ശേഷം ഒന്നിച്ചെങ്കിലും ഉദ്ധവ് താക്കറെ-രാജ് താക്കറെ കൂട്ടുകെട്ടിന് ആദ്യ തെരഞ്ഞെടുപ്പില് ലഭിച്ചത് പൂജ്യം സീറ്റ്. ഇതോടെ നാണക്കേട് മറയ്ക്കാനാവാതെ വിഷമിക്കുകയാണ് ഉദ്ധവ് താക്കറെയും രാജ് താക്കറെയും. രണ്ട് സിംഹക്കുട്ടികള് മഹാരാഷ്ട്രയിലെ ശിവസേനയുടെ നഷ്ടപ്രതാപം തിരിച്ചുപിടിക്കാന് ഒന്നിയ്ക്കുന്നു എന്നായിരുന്നു വാചകമെങ്കിലും ഇവര് വെറും പൂച്ചക്കുട്ടികളായി ക്ഷയിച്ചതിന്റെ ലക്ഷ്ണമാണ് തെരഞ്ഞെടുപ്പില് കണ്ടത്.
ശിവസേനയുടെ ഒമ്പത് വര്ഷത്തെ ആധിപത്യമാണ് തകര്ന്നത്. ആകെയുള്ള 21 സീറ്റുകളില് ശശാങ്ക് റാവു പാനല് 14 സീറ്റുകള് നേടിയപ്പോള് ബിജെപി നേതൃത്വത്തിലുള്ള മഹായുതി ബാക്കി 7 സീറ്റുകളും നേടി. ഉല്കര്ഷ് എന്ന പേരിലുള്ള പാനലിന് കീഴില് ഉദ്ധവും രാജ് താക്കറെയും ചേര്ന്ന് 19 സ്ഥാനാര്ത്ഥികളെ മത്സരിപ്പിച്ചിരുന്നു. ഒരാള് പോലും ജയിച്ചില്ല.
ബെസ്റ്റ് ക്രെഡിറ്റ് സൊസൈറ്റി തെരഞ്ഞെടുപ്പിലാണ് താക്കറെ സഹോദരന്മാര്ക്ക് തിരിച്ചടിയേറ്റത്. താക്കറെ സഹോദരന്മാര് കൈകോര്ത്തതുകൊണ്ടൊന്നും ഒരു ഫലവുമില്ലെന്ന് തെളിയിക്കപ്പെട്ടു എന്ന് മാത്രമല്ല, ബാല് താക്കറെയുടെ അടിയുറച്ചു നിന്നിരുന്ന ശിവസേന പ്രഭാവത്തിന് മങ്ങലേറ്റുകഴിഞ്ഞിരിക്കുന്നു എന്നതിന്റെ സൂചനയായിരുന്നു ഇത്. ഇനിയൊരിക്കലും അധികാരത്തിലേക്ക് തിരിച്ചുവരാന് കഴിയാത്ത ദുര്ബ്ബല ശക്തികളായി താക്കറെ സഹോദരന്മാര് മാറിയിരിക്കുന്നു.
മുംബൈ മുനിസിപ്പല് കോര്പറേഷന് തെരഞ്ഞെടുപ്പിന് മുന്നോടിയായി നടന്ന വാശിയേറിയ പോരാട്ടമായിരുന്നു ബെസ്റ്റ് എംപ്ലോയീസ് കോ ഓപ്പറേറ്റീവ് ക്രെഡിറ്റ് സൊസൈറ്റിയില് നടന്നത്.
