കൊച്ചി : രാഹുൽ ഗാന്ധിയുടെ “വോട്ടർ അധികാർ യാത്ര” ചിലരിൽ ചൊറിച്ചിൽ ഉണ്ടാക്കുന്നതുകൊണ്ട് രാഹുൽ മാങ്കൂട്ടത്തിലിനെതിരെ ഉയർന്ന ആരോപണങ്ങൾ വച്ച് മുതലെടുക്കുകയാണെന്ന് സംവിധായിക ഐഷ സുൽത്താന . ആരോപണത്തിന്റെ പേരിൽ കോൺഗ്രസിനെ തള്ളി പറഞ്ഞ് ബിജെപി യെ സപ്പോർട്ട് ചെയ്യേണ്ട കാര്യം തനിക്കില്ലെന്നും ഐഷ സുൽത്താന ഫേസ്ബുക്ക് പോസ്റ്റിൽ പറയുന്നു.
‘ ഞാൻ പിന്നെ ബിജെപി യെ സപ്പോർട്ട് ചെയ്യണമായിരുന്നൊ? കോൺഗ്രസ്സ് എന്ന പാർട്ടിയെ ഇല്ലാതാക്കാൻ തക്കം പാർതിരിക്കുന്ന ബിജെപി യെ ഞാനൊരിക്കലും സപ്പോർട്ട് ചെയ്യില്ല. ആ യുവ നടി ധൈര്യമായിട്ട് അവരോട് കോഴിത്തരം കാണിച്ച ആളുടെ പേര് പറയണമായിരുന്നു… ഇതിപ്പോ പേര് ചോദിച്ചാൽ പേര് പറയാത്ത ഒരാളുടെ ആരോപണം കേട്ട് കോൺഗ്രസ്സ് പാർട്ടിയെ തള്ളി പറഞ്ഞു കൊണ്ട് ബിജെപി യെ സപ്പോർട്ട് ചെയ്യേണ്ട കാര്യം എനിക്കില്ല..‘ എന്നാണ് ഒരു ഫേസ്ബുക്ക് പോസ്റ്റിൽ ഐഷ പറയുന്നത് .
നടി പേരു പറയാത്തതിനാലാണ് കോൺഗ്രസിനെ തള്ളി പറയാത്തതെന്ന് പറയുന്ന ഐഷ വ്യക്തമായി രാഹുലിന്റെ പേര് പറയുന്ന ഹണി ഭാസ്ക്കറിന്റെ കുറിപ്പിനെ കുറിച്ചും തന്റെ മറ്റൊരു പോസ്റ്റിൽ പറയുന്നു. എന്നിട്ടും നേതാവിനെ കുറ്റപ്പെടുത്താൻ പോലും തയ്യാറാകുന്നുമില്ല.
‘ ഞാൻ ഇന്ത്യ മുന്നണിയെ സപ്പോർട്ട് ചെയ്യുന്നതും ബിജെപി ഭരണത്തിൽ നിന്നും ലക്ഷദ്വീപിനെ സംരക്ഷിക്കാൻ വേണ്ടിയാണ്… രാഹുൽ ഗാന്ധി PM ആയിട്ട് വരണമെന്ന് തന്നെയാണ് എന്റെ ആഗ്രഹം… എന്നാലേ ഇനി സാധാരണക്കാർക്ക് രക്ഷയുള്ളൂ എന്ന തിരിച്ചറിവാണ് എന്നിലുള്ളത്..‘ എന്ന് പറഞ്ഞാണ് ഐഷയുടെ പോസ്റ്റ് അവസാനിക്കുന്നത് .
