തിരുവനന്തപുരം : കാണാതായ വീട്ടമ്മയുടെ മൃതദേഹം കരമനയാറ്റില് കണ്ടെത്തി. പേയാട് ചീലപ്പാറ സ്വദേശിനി കെഎസ് ഷാജി(54)യുടെ മൃതദേഹമാണ് പേയാട് അരുവിപ്പുറം കരമനയാറ്റില് രാവിലെ കണ്ടെത്തിയത്.കഴിഞ്ഞ ദിവസം ഉച്ചയ്ക്ക് ശേഷം ഇവരെ കാണ്മാനില്ലായിരുന്നു.
വിളപ്പില്ശാല പൊലീസ് ഇവരുടെ മൊബൈല് ഫോണ് കേന്ദ്രീകരിച്ച് നടത്തിയ അന്വേഷണമാണ് മൃതദേഹം കണ്ടെത്താന് സഹായകമായത്. അന്വേഷണത്തില് പേഴ്സും മൊബൈലും ചെരിപ്പും അരുവിപ്പുറം കുളിക്കടവ് വട്ടത്തിനുസമീപം കരമനയാറിന്റെ തീരത്ത് കണ്ടെത്തിയിരുന്നു. കാട്ടാക്കട അഗ്നിരക്ഷാ സേനയും സ്കൂബ സംഘവും ചേര്ന്ന് നടത്തിയ തിരച്ചിലില് ആറ്റിലെ മുളകളുടെ ഇടയില് കുരുങ്ങിയ നിലയില് മൃതദേഹം കണ്ടെത്തി.
മൃതദേഹം പോസ്റ്റ്മോര്ട്ടത്തിന് ശേഷം ബന്ധുക്കള് ഏറ്റുവാങ്ങി മാറനല്ലൂര് പൊതുശ്മശാനത്തില് സംസ്കരിച്ചു.ഭര്ത്താവ് മരണപ്പെട്ട ശേഷം ഇവര് മാനസിക പ്രയാസത്തിലായിരുന്നെന്ന് സമീപവാസികള് പറഞ്ഞു.
