പാലക്കാട് :മന്ത്രി എം ബി രാജേഷ് പങ്കെടുത്ത പരിപാടിയില് പ്രതിഷേധവുമായി കര്ഷകര്.തൃത്താല കപ്പൂര് ഗ്രാമപഞ്ചായത്ത് സംഘടിപ്പിച്ച ചിങ്ങം ഒന്ന് കര്ഷകദിന പരിപാടിയിലാണ് പ്രതിഷേധം ഉണ്ടായത്.
കറുത്ത മാസ്ക് ധരിച്ച് പ്ലക് കാര്ഡും ഏന്തി കര്ഷകര് നടത്തിയ മാര്ച്ച് പൊലീസ് തടഞ്ഞു.മന്ത്രി പങ്കെടുത്ത വേദിയില് കപ്പൂര് പഞ്ചായത്തിലെ യുഡിഎഫ് അംഗങ്ങള്
മുദ്രാവാക്യം വിളിച്ച് കര്ഷകര്ക്ക് പിന്തുണ നല്കി.മുദ്രാവാക്യം വിളിച്ച പ്രതിപക്ഷ അംഗങ്ങളെയും പ്രതിഷേധക്കാരെയും പൊലീസ് ഇടപെട്ട് നീക്കി.
നെല്ല് കൊടുത്തിട്ടും ഇതുവരെ പണം കിട്ടിയില്ല, നെല് കര്ഷകരോടുള്ള അവഗണന അവസാനിപ്പിക്കുക, നെല് കര്ഷകര്ക്ക് കൊടുക്കാനുള്ള മുഴുവന് തുകയും കൊടുക്കുക, നെല് വില കാലവിളംബത്തിന് പലിശ അനുവദിക്കുക എന്നിങ്ങനെയാണ് കര്ഷകരുടെ ആവശ്യം.
അതേസമയം, 380 കര്ഷകരില് ഏഴു കര്ഷകര്ക്ക് മാത്രമാണ് അളന്ന നെല്ലിന്റെ പണം നല്കാനുള്ളത് എന്നാണ് എം ബി രാജേഷിന്റെ വിശദീകരണം. ഇത് സാങ്കേതിക കാരണങ്ങള് കൊണ്ടാണെന്നും ഇപ്പോള് നടക്കുന്നത് പത്രത്തില് ഫോട്ടോ വരുത്താനുള്ള സമരം ആണെന്നും മന്ത്രി പറഞ്ഞു.
