ചെന്നൈ: അന്തരിച്ച മുതിര്ന്ന ബിജെപി നേതാവും നാഗാലാന്ഡ് ഗവര്ണറുമായിരുന്ന എല്.ഗണേശന് അയ്യര്ക്ക്( 80) അന്ത്യാഞ്ജലി. അദ്ദേഹത്തിന്റെ ഭൗതിക ശരീരം ഇന്നലെ ചെന്നൈ കോര്പ്പറേഷന് മൈതാനിയില് പൊതു ദര്ശനത്തിന് വച്ചിരുന്നു. മുഖ്യമന്ത്രി എം. കെ സ്റ്റാലിന്, ഉപമുഖ്യമന്ത്രി ഉദയനിധി സ്റ്റാലിന് എന്നിവടക്കം പ്രമുഖര് അന്ത്യാഞ്ജലിയര്പ്പിച്ചു. വൈകിട്ടായിരുന്നു സംസ്കാരം.
1945 ഫെബ്രുവരി 16ന് തഞ്ചാവൂരിലാണ് ജനനം. അച്ഛന് ബിസിനസുകാരനായ ലക്ഷിമി രാഘവ അയ്യര്. അമ്മ അലമേലു. കുടുംബം തന്നെ ആര്എസ്എസ് പ്രവര്ത്തകരായിരുന്നു. പഠനശേഷം തമിഴ്നാട് റവന്യൂ വകുപ്പില് ഇന്സ്പെക്ടറായി ജോലി ലഭിച്ചു. 9 വര്ഷം കഴിഞ്ഞ് രാജിവച്ച് ആര് എസ്എസ് പ്രചാരകനായി. അടിയന്തരാവസ്ഥക്കാലത്ത് ഒരു വര്ഷത്തോളം ഒളിവിലായിരുന്നു. ബിജെപി തമിഴ്നാട് ജനറല് സെക്രട്ടറിയായും ദേശീയ സെക്രട്ടറിന് വൈസ് പ്രസിഡന്റ്് എന്നീ നിലകളിലും പ്രവര്ത്തിച്ചു. പിന്നീട് സംസ്ഥാന അധ്യക്ഷനായി. രാജ്യസഭാംഗമായും പ്രവര്ത്തിച്ചു. 2021ല് മണിപ്പൂര് ഗവര്ണറായി.2023 ഫെബ്രുവരി വരെ ആ പദവിയില് തുടര്ന്നു.
2022ല് ബംഗാള് ഗവര്ണറുടെ അധികച്ചുമതലയും വഹിച്ചു. 2023 ഫെബ്രുവരിയിലാണ് നാഗാലാന്ഡ് ഗവര്ണ്ണര് ആയത്. കടുത്ത പ്രമേഹ രോഗിയായിരുന്ന അദ്ദേഹം ഈ മാസം 5ന് കുഴഞ്ഞു വീണു. ചെന്നൈ അപ്പോളോ ആശുപത്രിയില് പ്രവേശിപ്പിച്ചുവെങ്കിലും രോഗം വഷളായി വെള്ളിയാഴ്ചയാണ് അന്ത്യം സംഭവിച്ചത്. അവിവാഹതനായിരുന്നു.
