വാഷിംഗ്ടണ് : യുക്രെയ്ന് വിഷയത്തില് അമേരിക്കന് പ്രസിഡന്റ് ഡൊണാള്ഡ് ട്രംപും റഷ്യന് പ്രസിഡന്റ് വ്ലാഡിമിര് പുടിനും ചര്ച്ച നടത്തുന്ന അലാസ്ക ഉച്ചകോടിയിലേക്ക് കണ്ണുംനട്ട് ലോകം. ഇന്ത്യന് സമയം രാത്രി പന്ത്രണ്ടരയോടെ ചര്ച്ച ആരംഭിക്കും.
അലാസ്കയിലെ ആങ്കറേജ് യു എസ് സൈനിക കേന്ദ്രത്തിലാണ് കൂടിക്കാഴ്ച.ഉച്ചകോടി ഫലം കണ്ടാല് റഷ്യയും യുക്രെയ്നും അമേരിക്കയുടെ മധ്യസ്ഥതയില് ത്രികക്ഷി ചര്ച്ച നടത്തും. യുക്രെയ്നില് മൂന്ന് വര്ഷമായി തുടരുന്ന യുദ്ധം അവസാനിപ്പിക്കുക ലക്ഷ്യമിട്ടാണ് ഉച്ചകോടി.
ചര്ച്ച ഫലം കാണുകയാണെങ്കില് റഷ്യയുടെമേല് അമേരിക്കയുടെ ഉപരോധത്തില് മാറ്റമുണ്ടായേക്കും. റഷ്യയില്നിന്ന് എണ്ണ വാങ്ങുന്നതിന് ഇന്ത്യക്കുമേല് ചുമത്തിയ പിഴ തീരുവയിലടക്കം മാറ്റം ഉണ്ടായേക്കും. ചര്ച്ച പരാജയപ്പെട്ടാല് ഇന്ത്യക്കുമേല് കൂടുതല് തീരുവകളോ ഉപരോധമോ ചുമത്തിയേക്കാമെന്ന് യുഎസ് ട്രഷറി സെക്രട്ടറി സ്കോട്ട് ബെസന്റ് പറഞ്ഞിരുന്നു. ചര്ച്ചയ്ക്കുശേഷവും യുദ്ധം അവസാനിപ്പിക്കാന് തയാറായില്ലെങ്കില് റഷ്യ ഗുരുതര പ്രത്യാഘാതം നേരിടേണ്ടി വരുമെന്നാണ് ഡോണള്ഡ് ട്രംപിന്റെ മുന്നറിയിപ്പ്.
