രജനീകാന്തിന്റെ ‘കൂലി’ ആഗസ്റ്റ് 14-നാണ് റിലീസ് ചെയ്യുന്നത്. പ്രീ-ബുക്കിങ് റെക്കോഡുകൾ ഭേദിച്ച് മുന്നേറിക്കൊണ്ടിരിക്കുകയാണ്. കേരളത്തിൽ ‘തുടരും’ സിനിമയുടെ ആദ്യദിന കളക്ഷൻ തകർത്താണ് ‘കൂലി’യുടെ പ്രീ-ബുക്കിങ് തുടങ്ങിയത്.
അതിനിടെ ഓരോ സംസ്ഥാനത്തും ടിക്കറ്റ് നിരക്കിന്റെ കാര്യത്തിലും ‘കൂലി’ റെക്കോഡുകൾ ഭേദിച്ചുകഴിഞ്ഞു. ശരിയായ നിരക്ക് 400 രൂപയാണ്. പക്ഷേ ടിക്കറ്റുകൾ പല നിരക്കുകളിലാണ് വിറ്റഴിക്കപ്പെടുന്നത്. ചില ഏജന്റുമാർ കൂട്ടത്തോടെ ടിക്കറ്റ് വാങ്ങി വലിയ നിരക്കിൽ വിറ്റഴിക്കുകയാണെന്നും വാർത്തകളുണ്ട്. ബംഗളൂരുവിൽ 2000 രൂപയ്ക്കാണ് ടിക്കറ്റുകൾ വിറ്റഴിക്കപ്പെട്ടത്. ഡൽഹിയിലിത് 1200-ഉം, മുംബൈയിൽ 800-ഉം രൂപയാണെന്ന് റിപ്പോർട്ടുകൾ പറയുന്നു. എന്നാൽ, ചെന്നൈയിൽ ചില തിയേറ്ററുകൾ ടിക്കറ്റ് നിരക്ക് 57 രൂപ വരെയാക്കിയത്രേ. അതേസമയം ചെന്നൈയിലെ മറ്റൊരു പ്രശസ്ത തിയേറ്ററിൽ 4500 രൂപയാണ് ടിക്കറ്റ് നിരക്ക്.
കേരളത്തിൽനിന്നും ആദ്യദിനം കൂടുതൽ കളക്ഷൻ നേടിയ രജനിചിത്രം ‘ജയിലർ’ ആയിരുന്നു. ആറുകോടിയാണ് ‘ജയിലർ’ നേടിയത്. ‘കൂലി’ അത് തകർത്തു . ഇതുവരെ 1.2 ദശലക്ഷം ടിക്കറ്റുകളാണ് രാജ്യത്തുമാത്രം വിറ്റഴിക്കപ്പെട്ടത്.
