കൊല്ലം: നാട്ടാനകളുടെ എണ്ണം കുറയുന്നുവെന്ന് ഔദ്യോഗിക കണക്ക്. 2021 ല് 510 നാട്ടാനകള് ഉണ്ടായിരുന്നിടത്ത് നിലവിലുള്ളത് 382 എണ്ണം. കൊല്ലം ജില്ലയില് 55 ആനകള്ക്കാണ് രജിസ്ട്രേഷനുള്ളത്. ക്ഷയം, പരാദരോഗങ്ങള്, പാദരോഗങ്ങള്, രക്താതിസാരം, ഹൃദ്രോഗം, എരണ്ടകെട്ട് എന്നിവയാണ് എണ്ണം കുറയാന് പ്രധാനകാരണം. പുതുക്കിയ വന്യജീവിസംരക്ഷണ നിയമപ്രകാരം ഇതരസംസ്ഥാനങ്ങളില്നിന്ന് ആനകളെ കൊണ്ടുവരുന്നതിനും കൈമാറ്റം ചെയ്യുന്നതിനും കര്ശനവ്യവസ്ഥകള് ഏര്പ്പടുത്തിയിട്ടുണ്ട്. ഉടമസ്ഥാവകാശ സര്ട്ടിഫിക്കറ്റും ജനിതക പഠന സര്ട്ടിഫിക്കറ്റും ഡാറ്റാ ഷീറ്റും നിര്ബന്ധമാക്കി. ജനിതകപഠന സാക്ഷ്യപത്രം ഡെറാഡൂണ് വൈല്ഡ് ലൈഫ് ഇന്സ്റ്റിറ്റ്യൂട്ടില് പരിശോധിച്ചാണ് ഉറപ്പാക്കുന്നത്. ആനക്കൊമ്പോ പല്ലോ ആനയുമായി ബന്ധപ്പെട്ട മറ്റ് മേനി ഉപാധികളോ വില്ക്കുന്നതിന് നിരോധനമുണ്ട്. എന്നാല് നടയ്ക്കിരുത്തുന്നതിനോ പോറ്റാന് നിര്വാഹമില്ലാതെ ആരാധനാലയങ്ങള്ക്ക് കൈമാറുന്നതിനോ തടസമില്ല. പുത്തന്കുളം ആനത്താവളത്തില് ലോകഗജദിനാചരണത്തിന്റെ ഭാഗമായി മൃഗസംരക്ഷണവകുപ്പും ഇന്ത്യന് വെറ്ററിനറി അസോസിയേഷനും സംയുക്തമായി സംഘടിപ്പിച്ച സെമിനാറില് വ്യക്തമാക്കപ്പെട്ടതാണ് ഇക്കാര്യങ്ങള്.
നാട്ടാനകളുടെ എണ്ണം കുറയുന്നു, 2021 ല് ഉണ്ടായിരുന്നത് 510 നാട്ടാനകള്, നിലവിലുള്ളത് 382 എണ്ണം
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.