ന്യൂദൽഹി: ചില റൂട്ടിലേക്കുള്ള വിമാന സർവീസുകൾ നിർത്തിവെക്കുന്നതായി എയർ ഇന്ത്യ അറിയിച്ചു. സെപ്റ്റംബർ ഒന്ന് മുതൽ ദൽഹിയിലേക്കും വാഷിംഗ്ടൺ ഡിസിക്കും ഇടയിലുള്ള സർവീസുകളാണ് എയർ ഇന്ത്യ നിർത്തുന്നത്.
എയർ ഇന്ത്യയുടെ പ്രവർത്തന കാരണങ്ങൾ ചൂണ്ടിക്കാട്ടിയാണ് തീരുമാനം. വിശ്വാസതയും സമഗ്രതയും ഉറപ്പാക്കുന്നതിനായാണ് ഇത്തരമൊരു തീരുമാനമെന്ന് എയർ ഇന്ത്യ വ്യക്തമാക്കി.
കഴിഞ്ഞ മാസം എയർ ഇന്ത്യ തങ്ങളുടെ 26 ബോയിംഗ് 787-8 വിമാനങ്ങളുടെ നവീകരണ പ്രവർത്തനങ്ങൾ ആരംഭിച്ചിരുന്നു. ഉപഭോക്താക്കളുടെ യാത്രാനുഭവം മെച്ചപ്പെടുത്താൻ ലക്ഷ്യമിട്ടുള്ള ഈ നവീകരണം 2026 അവസാനം വരെ തുടരും.
