കോട്ടയം: ഇനിയും ക്രിസ്മസിന് കേക്കുമായി ക്രൈസ്തവ പുരോഹിതരെ കാണാന് പോകും. ഓണത്തിന് ചിപ്സ് കൊണ്ടുപോകും. റംസാനും ആഘോഷിക്കുമെന്ന് ബിജെപി നേതാവ് ഷോണ് ജോര്ജ് . കേരളത്തില് ഒരു മതേതര പാര്ട്ടിയേ ഉള്ളൂ, അത് ബിജെപിയാണെന്നും മറ്റുള്ള പാര്ട്ടികള് പൊളിറ്റിക്കല് ഇസ്ലാമുകളാണെന്നും അദ്ദേഹം വ്യക്തമാക്കി.കോട്ടയത്ത് മാധ്യമങ്ങളോട് സംസാരിക്കുകയായിരുന്നു അദ്ദേഹം.
ബിജെപി എല്ലാവരെയും ഒരുപോലെ കാണുന്നു. എല്ലാ മതവിഭാഗങ്ങളെയും ബഹുമാനിക്കുന്നു. അതേ സമയം മറ്റ് പാര്ട്ടികള് വിഭാഗീയ രാഷ്ട്രീയം കളിക്കുകയാണ്. കേരളത്തിലെ പൊളിറ്റിക്കല് ഇസ്ലാമിനു വേണ്ടി കുഴലൂത്ത് നടത്തുന്നത് ഡിവൈഎഫ്ഐയും സിപിഎമ്മുമാണ്. തലശ്ശേരി ആര്ച്ച് ബിഷപ്പ് മാര് ജോസഫ് പാംപ്ലാനിക്ക് എതിരെ ഡിവൈഎഫ്ഐ നടത്തിയ പ്രസ്താവന പ്രതിഷേധാര്ഹമാണ്. ഡിവൈഎഫ്ഐ ഇപ്പോള് നടത്തുന്ന പരാമര്ശങ്ങളില് ബിജെപി കൈയ്യും കെട്ടി നോക്കി നില്ക്കില്ലെന്നും ഷോണ് ജോര്ജ് മുന്നറിയിപ്പു നല്കി.
