തിരുവനന്തപുരം: വോട്ടര് പട്ടികയെക്കുറിച്ച് പ്രതിപക്ഷ നേതാവ് രാഹുല് ഗാന്ധി ഉന്നയിച്ച ആരോപണങ്ങള്ക്ക് ഇലക്ഷന് കമ്മിഷന് തെളിവു ചോദിക്കുന്നത് ബാലിശമാണെന്ന് കോണ്ഗ്രസ് ജനറല് സെക്രട്ടറി കെ.സി.വേണുഗോപാല്. ഇലക്ഷന് കമ്മിഷനു പരാതി കൊടുക്കാനോ കോടതിയില് പോകാനോ തങ്ങള് തയ്യാറല്ലെന്ന് ആവര്ത്തിച്ച വേണുഗോപാല് തങ്ങള് ജനങ്ങളെ സമീപിക്കാനാണ് പോവുന്നതെന്ന് വ്യക്തമാക്കി. ആരോപണങ്ങള്ക്ക് തെളിവു ചോദിക്കുന്നത് എന്തു മര്യാദയാണ്. ഉത്തരവാദപ്പെട്ട ബോഡി ഇത്ര ചെറിയ കാര്യങ്ങള് ഉന്നയിക്കാമോ?. ചോദ്യങ്ങള് ചോദിക്കുന്നവരെ നോട്ടീസ് കാണിച്ച് ഭയപ്പെടുത്തരുത്. ഇക്കാര്യത്തില് ഞങ്ങള് ജനങ്ങളുടെ അടുത്തേക്ക് പോകും. ഞങ്ങളുടെ കൈവശം വ്യക്തമായ രേഖകളുണ്ട്. അതിന്മേല് ഇലക്ഷന് കമ്മിഷന് സ്വയം നടപടി എടുക്കട്ടെ. സ്വര്ണ്ണ പാത്രം കൊണ്ടുവന്നാല് സത്യം മൂടിവയ്ക്കാന് കഴിയില്ലെന്നും വേണുഗോപാല് മാധ്യമങ്ങളോട് പറഞ്ഞു.
















