ന്യൂദല്ഹി : വോട്ട് ക്രമക്കേട് ആരോപണത്തില് രാഹുല് ഗാന്ധിക്ക് തെരഞ്ഞെടുപ്പ് കമ്മിഷന് നോട്ടിസ് അയച്ചു. ശകുന് റാണി രണ്ട് തവണ വോട്ട് ചെയ്തെന്ന ആരോപണത്തിന് എന്താണ് തെളിവെന്ന് ചോദിച്ചാണ് കര്ണാടക ചീഫ് ഇലക്ടറല് ഓഫീസര് നോട്ടീസയച്ചത്.
അന്വേഷണം നടത്തിയപ്പോള് ഒരുതവണ മാത്രമാണ് വോട്ട് ചെയ്തതെന്ന് ശകുന് റാണി അറിയിച്ചു. ശുകന് റാണി രണ്ട് തവണ വോട്ട് ചെയ്തെന്ന് കാട്ടി രാഹുല് ഗാന്ധി പുറത്തു വിട്ടത് പോളിംഗ് ഓഫീസറുടെ രേഖയല്ല.രാഹുല് കാണിച്ചത് ഏത് രേഖ എന്നും കമ്മീഷന് ചോദിച്ചു.
ഡിജിറ്റല് വോട്ടര് റോള് ആര്ക്കും വെബ്സൈറ്റില് നിന്ന് ഡൗണ്ലോഡ് ചെയ്യാനാകും. രാഹുല് ഗാന്ധിയുടെ ആരോപണം തെറ്റിദ്ധരിപ്പിക്കുന്നതെന്നും തിരഞ്ഞെടുപ്പ് കമ്മിഷന് പറഞ്ഞു.
ശകുന് റാണിയുടെ പേരില് രണ്ട് വോട്ടര് ഐഡി കാര്ഡുണ്ടെന്നും രണ്ടിടത്ത് വോട്ട് ചെയ്തെന്നുമാണ് രാഹുല്ഗാന്ധി ആരോപിച്ചിരുന്നത്.
