കൊല്ലം: തേവലക്കര ബോയ്സ് ഹൈസ്കൂളില് വൈദ്യുതാഘാതമേറ്റ് മരിച്ച മിഥുന്റെ കുടുംബത്തിന് നിര്മ്മിച്ച് നല്കുന്ന വീടിന് പൊതു വിദ്യാഭ്യാസ മന്ത്രി വി ശിവന്കുട്ടി തറക്കല്ലിട്ടു. 1000 ചതുരശ്ര അടി വിസ്തൃതിയുള്ള വീടിന്റെ നിര്മ്മാണം മൂന്നര മാസം കൊണ്ട് പൂര്ത്തിയാക്കുമെന്ന് മന്ത്രി ശിവന്കുട്ടി പറഞ്ഞു.
സംസ്ഥാന പൊതുവിദ്യാഭ്യാസ വകുപ്പിന്റെ നിയന്ത്രണത്തിലുള്ള സ്കൗട്ട്സ് ആന്ഡ് ഗൈഡ്സിന്റെ മേല്നോട്ടത്തിലാണ് വീട് നിര്മിക്കുന്നത്. വീടിന് 20 ലക്ഷം രൂപ ചെലവ് പ്രതീക്ഷിക്കുന്നതായി മന്ത്രി പറഞ്ഞു.
മകന്റെ ആഗ്രഹങ്ങളാണ് സര്ക്കാര് നിറവേറ്റി നല്കുന്നതെന്ന് മിഥുന്റെ പിതാവ് മനു പറഞ്ഞു.വീട്നിര്മാണം പൂര്ത്തിയാകും വരെ കുടുംബത്തിന് താമസിക്കാന് സമീപത്തായി മറ്റൊരു വീട് സര്ക്കാര് ചെലവില് വാടകയ്ക്ക് എടുത്തു നല്കിയിട്ടുണ്ട്. നിലവിലെ പഴയ വീട് സ്കൗട്ട്സ് ആന്ഡ് ഗൈഡ്സ് അസോസിയേഷന്റെ മേല്നോട്ടത്തില് കഴിഞ്ഞദിവസം പൊളിച്ചുമാറ്റി സ്ഥലം ഒരുക്കി നല്കിയിരുന്നു.
ജൂലൈ 17നാണ് വിളന്തറ മനുഭവനില് എട്ടാംക്ലാസ് വിദ്യാര്ഥി മിഥുന് സ്കൂളില് വൈദ്യുതാഘാതമേറ്റ് മരിച്ചത്.കളിക്കുന്നതിനിടെ തെറിച്ചുപോയ സഹപാഠിയുടെ ചെരിപ്പെടുക്കാന് ഷെഡിന് മുകളില് കയറിയപ്പോഴാണ് വൈദ്യുതാഘാതമേറ്റത്.
