ന്യൂദല്ഹി: ലോക സിംഹ ദിനമായ ഇന്ന് ഗുജറാത്തിലെ ദ്വാരക ജില്ലയിലെ ബര്ദ വന്യജീവി സങ്കേതത്തില് പ്രത്യേക ആഘോഷം. കേന്ദ്ര പരിസ്ഥിതി, വനം, കാലാവസ്ഥാ വ്യതിയാന മന്ത്രാലയം, ഗുജറാത്ത് സര്ക്കാരിന്റെ വനം, പരിസ്ഥിതി വകുപ്പുകള് സംയുക്തകമായി സംഘടിപ്പിക്കുന്ന ചടങ്ങില് കേന്ദ്രമന്ത്രി ഭൂപേന്ദര് യാദവ് പങ്കെടുക്കും.
ഗുജറാത്തില്, സൗരാഷ്ട്ര മേഖലയിലെ പാരിസ്ഥിതിക, സാംസ്കാരിക സവിശേഷതയാണ് ഏഷ്യന് സിംഹം. പ്രോജക്ട് ലയണിന് കീഴില് കേന്ദ്ര, സംസ്ഥാന സര്ക്കാരുകള് യോജിച്ച് ഈ സവിശേഷ ഇനത്തിന്റെ നിലനില്പ്പും വളര്ച്ചയും ഉറപ്പാക്കുന്നു.
സൗരാഷ്ട്രയിലെ 11 ജില്ലകളിലും ‘ലോക സിംഹ ദിന’ ആഘോഷങ്ങള് സംഘടിപ്പിക്കും. ഈ ജില്ലകളിലെ ഏകദേശം 35,000 ചതുരശ്ര കിലോമീറ്റര് വിസ്തൃതിയുള്ള ആവാസ വ്യവസ്ഥയിലാണ് സിംഹങ്ങള് വിഹരിക്കുന്നത്. 2020 മുതല് ഗുജറാത്തിലെ സിംഹങ്ങളുടെ എണ്ണം 32 ശതമാനം വര്ദ്ധിച്ചു. സിംഹങ്ങളുടെ എണ്ണം 2020 ല് 674 ആയിരുന്നത് 2025 മെയില് 891 ആയി.
സിംഹങ്ങളുടെ ആവാസമേഖലയായ ഗ്രേറ്റര് ഗിറിലെ ജില്ലകളിലെ ലക്ഷക്കണക്കിന് വിദ്യാര്ത്ഥികള് ഓണ്ലൈനായി പങ്കെടുക്കും.
