ആലുവ : തായിക്കാട്ടുകരയിലെ ഐഡിയല് സ്കൂളിന് മുന്നില് യുവാക്കള് ഏറ്റുമുട്ടിയതിനെ തുടര്ന്ന് ഒരാള്ക്ക് പരിക്കേറ്റു. ആലുവ സ്വദേശി ജൈഫറിനാണ് പരിക്കേറ്റത്. സംഭവത്തില് രണ്ട് പേരെ പൊലീസ് കസ്റ്റഡിയിലെടുത്തു.
ജൈഫറിന്റെ ആദ്യ ഭാര്യയുടെ മുന് ഭര്ത്താവായ അടിമാലി സ്വദേശി സുധി, ഇയാളുടെ സഹോദരന് പെരിങ്ങാല സ്വദേശി ഉബൈദ് എന്നിവരാണ് പിടിയിലായത്. ജൈഫറിന്റെ കുട്ടിയുടെ അവകാശത്തെ ചൊല്ലിയുള്ള തര്ക്കമാണ് സംഘര്ഷത്തിലെത്തിയത്.
കഴിഞ്ഞ ദിവസം വൈകിട്ടാണ് സംഭവം.കുട്ടിയെ സംബന്ധിച്ച് സംസാരിക്കുന്നതിനിടെ തര്ക്കം രൂക്ഷമായി ഏറ്റുമുട്ടലിലെത്തി.പ്രതികള്ക്കെതിരെ ബാലനീതി നിയമം ഉള്പ്പെടെയുള്ള വകുപ്പുകള് ചുമത്തി കേസെടുത്തു.പരിക്കേറ്റ ജൈഫറിനെ ആശുപത്രിയില് പ്രവേശിപ്പിച്ചു. സംഭവത്തില് പൊലീസ് അന്വേഷണം ഊര്ജിതം.
