കൊച്ചി: അര്പ്പണ മനോഭാവത്തോടെയും സത്യസന്ധമായും ബിസിനസ് രംഗത്ത് നില്ക്കുന്ന ആരും പരാജയപ്പെട്ടിട്ടില്ലെന്ന് കല്യാണ് സില്ക്സ് ചെയര്മാനും സ്ഥാപകനുമായ ടി.എസ്. പട്ടാഭിരാമന്. വിമന് എന്റര്പ്രണേഴ്സ് നെറ്റ് വര്ക്ക്(വെന്) സംഘടിപ്പിച്ച വെന് തൃശൂര് കാര്ണിവല് ലുലു ഹയാത്ത് കണ്വെന്ഷന് സെന്ററില് ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ഇഷ്ടപ്പെട്ട ഒരു ജോലിയാണ് തെരഞ്ഞെടുക്കുന്നതെങ്കില് ആദ്യത്തെ ഒരു ദിവസം മാത്രമാണ് ജോലി ചെയ്യേണ്ടതുള്ളൂവെന്നും ബാക്കി ദിവസങ്ങളില് ആസ്വാദനമാണ് നടക്കുന്നത്.
കേരളത്തിന്റെ സാഹചര്യം മാറിയതായും മാനുഫാക്ചറിങ് ഉള്പ്പെടെ ബിസിനസ് മേഖലയില് സംസ്ഥാനം മുന്നോട്ടു കുതിക്കുകയാണെന്നും ടി.എസ്. പട്ടാഭിരാമന് പറഞ്ഞു.
വെന് പ്രസിഡന്റ് ലൈല സുധീഷ് അധ്യക്ഷയായി. കുന്ദംകുളം ടിടി ദേവസി ജുവല്ലറി എം.ഡി. അനില് ജോസ്, സീമ അനില് എന്നിവര് മുഖ്യാതിഥികളും തൃശൂര് കോര്പറേഷന് കൗണ്സിലര് മാഫി ഡെല്സണ് വിശിഷ്ടാതിഥിയുമായിരുന്നു.
രാജി ശര്മ, മഞ്ജു തോമസ് എന്നിവര് പ്രസംഗിച്ചു. കൊച്ചി, കോഴിക്കോട്, കോട്ടയം, തിരുവനന്തപുരം, കോയമ്പത്തൂര് വെന് ചാപ്റ്ററുകളുടെ സഹകരണത്തോടെയാണ് കാര്ണിവല് സംഘടിപ്പിച്ചത്.
