കൊട്ടാരക്കര: ഗാന്ധിമുക്കില് റിട്ട. അധ്യാപികയെ വീടുകയറി ആക്രമിച്ച സംഭവത്തില് അറസ്റ്റിലായ അയല്വാസി റിമാന്ഡില്. കൊട്ടാരക്കര ഗാന്ധിമുക്ക് മൈത്രി നഗറില് കൃഷ്ണനിവാസില് സരസമ്മയെ(78) മര്ദ്ദിച്ച അയല്വാസി ഗാന്ധിമുക്ക് മൈത്രി നഗറില് പൗവത്ത് പുത്തന്വീട്ടില് ശശിധരനെ (70) ആണ് റിമാന്ഡ് ചെയ്തത്.
വാക്കുതര്ക്കം രൂക്ഷമായപ്പോള് അയല്വാസിയായ ശശിധരന് സരസമ്മയുടെ വീട്ടിലേക്ക് അതിക്രമിച്ചു കയറി. വയോധികയെ വീട്ടില് നിന്നു വലിച്ചിറക്കി ക്രൂരമായി മര്ദിച്ചു. വീട്ടിലേക്കു കടന്നുവന്ന ശശിധരനെ സരസമ്മ വടി കൊണ്ട് അടിക്കുന്നതും ശശിധരന് സരസമ്മയെ തിരിച്ചു മര്ദിക്കുകയും കഴുത്തില് കുത്തി പിടിച്ചു ഭിത്തിയില് ചേര്ത്തു നിര്ത്തി മര്ദിക്കുന്നതും പടവുകളില് കൂടി കാലില് പിടിച്ചു വലിച്ചിഴച്ചു കൊണ്ട് പോകുന്നതും സിസിടിവി ദൃശ്യങ്ങളിലുണ്ട്. വയോധികയുടെ തലയില് അഞ്ച് തുന്നലും ഇരു കൈയിലും പുറത്തും പരിക്കേറ്റിട്ടുണ്ട്.
ഗാന്ധിമുക്കില് ഒറ്റയ്ക്ക് താമസിച്ചുവരികയാണ് സരസമ്മ. അയല്വാസിയുമായി നേരത്തെ തര്ക്കങ്ങള് നിലനിന്നിരുന്നു.ശശിധരന്റെ സുഖമില്ലാത്ത ഭാര്യ ഉള്പ്പടെയുള്ളവരെ വയോധിക മര്ദിച്ചിട്ടുണ്ട്. ഇവര് തമ്മില് വഴക്ക് പതിവായിരുന്നുവെന്നു പ്രദേശവാസികള് പറയുന്നു.
