കോഴിക്കോട്: വീട്ടമ്മയായ ബോബി വൈദ്യുതിക്കെണിയില് നിന്ന് ഷോക്കേറ്റ് മരിച്ച സംഭവത്തില് ഒരാള് കസ്റ്റഡിയില്. പശുക്കടവ് സ്വദേശി ലിനീഷാണ് കസ്റ്റഡിയിലായത്. കെണി വച്ചത് ഇയാളാണെന്നാണ് പ്രാഥമിക അന്വേഷണത്തില് വ്യക്തമായത്. വൈദ്യുതി കെണി സ്ഥാപിച്ചതിന്റെ തെളിവുകള് പൊലീസ് കണ്ടെത്തിയിരുന്നു. സ്ഥലം ഉടമയില് നിന്നും വിവരങ്ങള് തേടിയിട്ടുണ്ടെന്നും തുടര് നടപടി വരും ദിവസങ്ങളില് ഉണ്ടാകുമെന്നും പൊലീസ് പറഞ്ഞു. പശുവിനെ മേയ്ക്കാനായി പോയ ബോബിയെ ആലക്കല് ജോസ് എന്ന വ്യക്തിയുടെ തോട്ടത്തില് ഷോക്കേറ്റുമരിച്ച നിലയില് കണ്ടെത്തുകയായിരുന്നു.
അതേസമയം പ്രശ്നം രാഷ്ട്രീയമായി മുതലെടുക്കാന് സിപിഎം രംഗത്തെത്തി. പിണറായി സര്ക്കാരിന്റെ പൊലീസ് നടപടിയെടുക്കാന് വൈകിയാല് പ്രക്ഷോഭത്തിലേക്ക് കടക്കുമെന്നാണ് മുന്നറിയിപ്പ് . സാമ്പത്തികമായി പിന്നോക്കം നില്ക്കുന്ന ബോബിയുടെ കുടുംബത്തിന് സര്ക്കാര് സഹായം നല്കണമെന്നും പാര്ട്ടി ആവശ്യപ്പെട്ടു.
പശുക്കടവില് വീട്ടമ്മ വൈദ്യുതിക്കെണിയില് നിന്ന് ഷോക്കേറ്റ് മരിച്ച സംഭവത്തില് ഒരാള് കസ്റ്റഡിയില്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.