ആലുവ: ആലുവ റെയില്വെ പാലത്തിൽ അറ്റകുറ്റപ്പണി നടക്കുന്നതിനാൽ ഇന്ന് (ആഗസ്റ്റ് മൂന്ന്) വന്ദേഭാരത്, ശബരി ഉൾപ്പെടെയുള്ള ട്രെയിനുകള് വൈകിയോടുന്നു. പാലക്കാട് -എറണാകുളം മെമു ട്രെയിൻ സര്വീസ് ഇന്ന് റദ്ദാക്കി.
അറ്റകുറ്റപ്പണി തുടരേണ്ടതിനാൽ ആഗസ്റ്റ് പത്തിനും നിയന്ത്രണങ്ങൾ ഉണ്ടാവുമെന്ന് റെയിൽവേ അറിയിച്ചിട്ടുണ്ട്. മംഗളൂരു -തിരുവനന്തപുരം വന്ദേഭാരത് 25 മിനിറ്റ് വൈകിയാണ് ഓടുക. വൈകിട്ട് 4.05ന് പുറപ്പെടേണ്ട തിരുവനന്തപുരം -മംഗളൂരു വന്ദേഭാരത് പത്തു മിനിറ്റ് വൈകി 4.15നായിരിക്കും പുറപ്പെടുക.
ഇന്ന് റദ്ദാക്കിയ ട്രെയിനുകള്
പാലക്കാട് -എറണാകുളം മെമു (66609)
എറണാകുളം -പാലക്കാട് മെമു (66610)
ഇന്ന് വൈകിയോടുന്ന ട്രെയിനുകള് :
ഗൊരഖ്പുര് -തിരുവനന്തപുരം സെന്ട്രൽ എക്സ്പ്രസ് (12511) ഒരു മണിക്കൂര് 20 മിനിറ്റ്
കണ്ണൂര് -ആലപ്പുഴ എക്സിക്യൂട്ടീവ് എക്സ്പ്രസ് (16308) ഒന്നേകാൽ മണിക്കൂര്
മംഗളൂരു സെന്ട്രൽ -തിരുവനന്തപുരം സെന്ട്രൽ വന്ദേഭാരത് (20631) 25 മിനിറ്റ്
തിരുവനന്തപുരം സെന്ട്രൽ -മംഗളൂരു സെന്ട്രൽ വന്ദേഭാരത് (20632) പത്തു മിനിറ്റ്
സെക്കന്തരാബാദ് -തിരുവനന്തപുരം ശബരി എക്സ്പ്രസ് (17230)
ജാംനഗര് -തിരുനെൽവേലി എക്സ്പ്രസ് (19578)
