തിരുവനന്തപുരം: കേരള സര്വകലാശാലയില് രജിസ്ട്രാര് സ്ഥാനത്തുനിന്ന് സസ്പെന്ഡ് ചെയ്തിട്ടും വകവയ്ക്കാത്ത ഡോ കെ.എസ്. അനില്കുമാര് ഓഫീസില് പ്രവേശിക്കുന്നത് തടയാന് വിസി മോഹനന് കുന്നമ്മല് . അനില്കുമാര് ഓഫീസില് കയറുന്നത് തടയാന് പൊലീസ് സഹായം തേടാന് നിലവിലെ രജിസ്ട്രാര് മിനി കാപ്പനോട് വിസി നിര്ദ്ദേശിച്ചു.
സസ്പെന്ഡ് ചെയ്യപ്പെട്ടിട്ടും ഡോ അനില്കുമാര് ഓഫീസില് പ്രവേശിക്കുന്നത് നിയമവിരുദ്ധമെന്നാണ് വിസിയുടെ നിലപാട്.അതിനിടെ, വിസിയുടെ നടപടിക്കെതിരെ അനില്കുമാര് ഹൈക്കോടതിയെ സമീപിച്ചുണ്ട്. സസ്പെന്ഡ് ചെയ്ത രജിസ്ട്രാര് കെ.എസ്. അനില് കുമാറിനെ പുറത്താക്കാതെ സിന്ഡിക്കറ്റ് യോഗം വിളിക്കില്ലെന്ന നിലപാടിലാണ് വിസി ഡോ. മോഹന് കുന്നുമ്മല്.
ഇടത് അംഗങ്ങള്ക്ക് ഭൂരിപക്ഷമുളള സിന്ഡിക്കേറ്റിന്റെ പിന്തുണയിലാണ് ഡോ കെ എസ് അനില്കുമാര് വി സിയുമായി പോരടിക്കുന്നത്.
