കൊച്ചി :താരസംഘടന അമ്മയുടെ ജനറല് സെക്രട്ടറി സ്ഥാനത്തേക്കുളള മത്സരത്തില് നിന്ന് പിന്മാറിയതായി നടന് ബാബുരാജ് . സാമൂഹ്യ മാധ്യമത്തിലൂടെയാണ് ബാബുരാജ് ഇക്കാര്യം അറിയിച്ചത്.
ലൈംഗിക ആരോപണ വിധേയനായ ബാബുരാജ് ജനറല് സെക്രട്ടറി സ്ഥാനത്തേക്ക് മത്സരിക്കരുതെന്ന് കൂടുതല് താരങ്ങള് ആവശ്യപ്പെട്ടതിന് പിന്നാലെ ആണ് പിന്മാറ്റം. അമ്മ സംഘടനയുടെ പ്രവര്ത്തനങ്ങളില് നിന്ന് താന് എന്നന്നേക്കുമായി പിന്മാറുകയാണെന്നും ബാബുരാജ് അറിയിച്ചു.
‘വിഴുപ്പലക്കാന് താല്പര്യമില്ലാത്തതിനാല് അമ്മ സംഘടനയുടെ പ്രവര്ത്തനങ്ങളില് നിന്ന് ഞാന് എന്നെന്നേക്കുമായി പിന്മാറുകയാണെന്ന് ഇതിനാല് അറിയിക്കുന്നു. ഈ തീരുമാനം ആരെയും ഭയന്നിട്ടല്ല. കഴിഞ്ഞ എട്ട് വര്ഷക്കാലം അമ്മ സംഘടനയില് പ്രവര്ത്തിച്ചപ്പോള് പീഡന പരാതികളും അപവാദങ്ങളുമാണ് സമ്മാനമായി കിട്ടിയത്. അംഗങ്ങളില് നിന്ന് ലഭിച്ച ചാനല് ഉപദേശങ്ങള് എന്റെ ഹൃദയത്തില് മരണം വരെ സൂക്ഷിക്കും. എന്നെ മത്സരത്തിലൂടെ തോല്പ്പിക്കുന്നതായിരുന്നു ജനാധിപത്യപരമായ രീതി. എന്നാല്, ഇത് താങ്ങാന് കഴിയുന്നതിലും അപ്പുറമാണ്’, ബാബുരാജ് സാമൂഹ്യ മാധ്യമത്തില് കുറിച്ചു.
