ന്യൂഡൽഹി: ഓപ്പറേഷൻ സിന്ദൂരിനെച്ചൊല്ലി പാർലമെന്റിൽ ചർച്ചകൾ നടക്കുന്നതിനിടെ മുൻ പ്രധാനമന്ത്രി ഇന്ദിരാഗാന്ധിയ്ക്ക് ഇച്ഛാശക്തി കൂടുതലാണെന്ന് കോൺഗ്രസ് നേതാവ് രാഹുൽ . പാകിസ്ഥാനെ ആക്രമിക്കാനുള്ള സർക്കാരിന്റെ “രാഷ്ട്രീയ ഇച്ഛാശക്തി”യെ ചോദ്യം ചെയ്യുന്നതിനിടെയാണ് രാഹുലിന്റെ ഈ പ്രസ്താവന . എന്നാൽ രാഹുലിന്റെ ഈ പ്രസ്താവനയ്ക്ക് കേന്ദ്രമന്ത്രി കിരൺ റിജിജു മറുപടി നൽകിയത് ഇന്ദിര 1971 ൽ എഴുതിയ ഒരു കത്തിന്റെ പകർപ്പ് പങ്ക് വച്ചാണ് .
“ശ്രീമതി ഇന്ദിരാഗാന്ധി പ്രസിഡന്റ് നിക്സണിന് അയച്ച കത്തിന്റെ ഈ വാചകം കാണാൻ ദയവായി നാല് മിനിറ്റ് സമയം നൽകുക. ശ്രീമതി ഇന്ദിരാഗാന്ധി ജിയുടെ രാഷ്ട്രീയ ഇച്ഛാശക്തിയാണോ ഇത്?” യുഎസ് ആർക്കൈവുകളിൽ ശ്രീമതി ഗാന്ധിയുടെ കത്തിന്റെ ലിങ്ക് പങ്കിട്ടുകൊണ്ട് എക്സിൽ റിജിജു ചോദിച്ചു. 1971 ഡിസംബർ 5-ന് പാകിസ്ഥാൻ ഇന്ത്യയ്ക്കെതിരെ യുദ്ധ പ്രഖ്യാപനം നടത്തിയതിനെ തുടർന്നാണ് കത്ത് വന്നത്.
“ഈ അപകടഘട്ടത്തിൽ, ഇന്ത്യയിലെ സർക്കാരും ജനങ്ങളും നിങ്ങളുടെ ധാരണ തേടുകയും, നിർഭാഗ്യവശാൽ പാകിസ്ഥാൻ സ്വീകരിച്ചിരിക്കുന്ന മനഃപൂർവ്വമല്ലാത്ത ആക്രമണത്തിന്റെയും സൈനിക സാഹസികതയുടെയും നയത്തിൽ നിന്ന് ഉടൻ പിന്മാറാൻ പാകിസ്ഥാനെ പ്രേരിപ്പിക്കാൻ നിങ്ങളോട് അഭ്യർത്ഥിക്കുകയും ചെയ്യുന്നു,” എന്നാണ് കത്തിൽ പറയുന്നത് .
“ഇന്ത്യയ്ക്കെതിരായ അവരുടെ ആക്രമണാത്മക പ്രവർത്തനങ്ങൾ അവസാനിപ്പിക്കാനും, കിഴക്കൻ ബംഗാൾ പ്രശ്നത്തിന്റെ ഉത്ഭവം ഉടനടി കൈകാര്യം ചെയ്യാനും പാകിസ്ഥാൻ സർക്കാരിൽ നിങ്ങളുടെ നിസ്സംശയമായ സ്വാധീനം ചെലുത്തണമെന്ന് ഞാൻ നിങ്ങളോട് അഭ്യർത്ഥിക്കട്ടെ, ഇത് പാകിസ്ഥാനിലെ മാത്രമല്ല, മുഴുവൻ ഉപഭൂഖണ്ഡത്തിലെയും ജനങ്ങൾക്ക് വളരെയധികം പരീക്ഷണങ്ങൾക്കും കഷ്ടപ്പാടുകൾക്കും കാരണമായിട്ടുണ്ട്,” എന്നും കത്തിൽ പറയുന്നു.പാകിസ്ഥാനെ ആക്രമിക്കാൻ സർക്കാരിന് “രാഷ്ട്രീയ ഇച്ഛാശക്തി” ഇല്ലെന്നും സായുധ സേനയെ “കൈകൾ പിന്നിൽ കെട്ടി” വച്ചിരിക്കുകയാണെന്നും രാഹുൽ ആരോപിച്ചതിനാണ് റിജിജുവിന്റെ ഈ മറുപടി.
