കൊല്ലം: ദുരൂഹതയുണ്ടെന്ന നിലപാടില് കുടുംബം ഉറച്ചുനില്ക്കുന്ന സാഹചര്യത്തില് ഷാര്ജയില് മരിച്ച കൊല്ലം സ്വദേശിനി വിപഞ്ചികയുടെയും കുഞ്ഞിന്റെയും മരണം ക്രൈം ബ്രാഞ്ച് അന്വേഷിക്കാന് തീരുമാനം. ഇത് സംബന്ധിച്ച ഉത്തരവ് ഉടന് പുറത്തിറങ്ങും. നിലവില് അന്വേഷണ ചുമതല ശാസ്താംകോട്ട ഡിവൈഎസ്പിക്കാണ് . പുതിയ അന്വേഷണ സംഘത്തെ ഉടന് തീരുമാനിക്കും. ആത്മഹത്യാ പ്രേരണ, സ്ത്രീധന പീഡനം തുടങ്ങിയ വകുപ്പുകള് ചുമത്തി വിപഞ്ചികയുടെ ഭര്ത്താവ് നിതീഷ്, നിതീഷിന്റെ അച്ഛന്, സഹോദരി എന്നിവര്ക്കെതിരെയാണ് പൊലീസ് കേസെടുത്തിരുന്നത്. വിപഞ്ചികയുടെ വീട്ടുകാരുടെ മൊഴിയും വിപഞ്ചികയുടെ ഫോണുമാണ് അന്വേഷണത്തില് പൊലീസിന് മുന്നിലുള്ളത്. ഫോറന്സിക് പരിശോധനയുടെ വിവരങ്ങളും ലഭ്യമാകാനുണ്ട്.
