ഇടുക്കി : പെരുവന്താനം മതമ്പയില് കാട്ടാനയുടെ ആക്രമണത്തില് ടാപ്പിംഗ് തൊഴിലാളിയായ കാഞ്ഞിരപ്പള്ളി തമ്പലക്കാട് സ്വദേശി പുരുഷോത്തന് (64) മരിച്ചു. ഇവിടെ റബര്തോട്ടം പാട്ടത്തിനെടുത്ത് ടാപ്പിംഗ് നടത്തുന്ന പുരുഷോത്തമനും മകനും രാവിലെ ജോലി ചെയ്യുന്നതിനിടെ കാട്ടാനക്കൂട്ടം ആക്രമിക്കുകയായിരുന്നു. മകന് രാഹുല് ഓടി രക്ഷപ്പെട്ടു. കാട്ടാനയുടെ മുന്നിലകപ്പെട്ടുപോയ പുരുഷോത്തമനെ കാട്ടാന തുമ്പിക്കൈകൊണ്ട് അടിച്ചുകൊല്ലുകയായിരുന്നു.
പുരുഷോത്തമനെ നാട്ടുകാര് മുണ്ടക്കയത്തെ സ്വകാര്യ ആശുപത്രിയിലെത്തിച്ചെങ്കിലും അതിനകം മരിച്ചിരുന്നു. പോസ്റ്റ്മോര്ട്ടത്തിനായി മൃതദേഹം കോട്ടയം മെഡിക്കല് കോളേജ് ആശുപത്രിയിലേക്ക് മാറ്റി. ഏന്തയാര് വെള്ളാരത്തില് കുടുംബാംഗമായ ഇന്ദിരയാണ് ഭാര്യ. മക്കള്: പ്രശാന്ത്, രാഹുല്. മരുമക്കള്: അനു പനമറ്റം, ഹരിത കുമളി. സംസ്കാരം ഇന്ന് നടക്കും.
ടാപ്പിംഗ് തൊഴിലാളിയെ കാട്ടാന തുമ്പിക്കൈയ്ക്ക് അടിച്ചു കൊന്നു, ഒപ്പമുണ്ടായിരുന്ന മകന് രക്ഷപ്പെട്ടു
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.