കൊല്ലം : ബസില് യുവതിക്ക് നേരെ നഗ്നതാ പ്രദര്ശനം നടത്തിയ യുവാവിനെ ഉടന് അറസ്റ്റ് ചെയ്യുമെന്ന് പൊലീസ്.ഇയാളെ തിരിച്ചറിഞ്ഞെന്നാണ് സൂചന.
കൊട്ടിയത്തുനിന്ന് മാവേലിക്കര വരെയുള്ള യാത്രയ്ക്കിടെയാണ് യുവാവ് പരസ്യമായി ലൈംഗിക വൈകൃതങ്ങള് കാട്ടിയത്.കഴിഞ്ഞ രാത്രി 10 മണിയോടെയാണ് സംഭവം.ഇത് യുവതി മൊബൈല് ഫോണില് പകര്ത്തി പൊലീസിന് കൈമാറി. മൈലക്കാട് സ്വദേശി യുവാവാണ് ബസില് നഗ്നതാ പ്രദര്ശനം നടത്തിയത്. യുവതിയുടെ വിശദ മൊഴി പൊലീസ് രേഖപ്പെടുത്തി
ലൈംഗിക അതിക്രമം കാട്ടിയ യുവാവ് കൊല്ലത്താണ് ഇറങ്ങിയതെന്ന് യുവതി പറഞ്ഞു. കണ്ടക്ടറോട് ആ സമയത്ത് പറയാന് സാധിച്ചില്ലെന്നും യുവതി പറഞ്ഞിരുന്നു.
ബസില് യാത്രക്കാര് കുറവായിരുന്ന വേളയിലാണ് യുവതിക്ക് നേരെ നഗ്നതാ പ്രദര്ശനം നടന്നത്. യുവതി മൊബൈല് ഫോണില് ദൃശ്യങ്ങള് പകര്ത്തുന്നതായി അറിഞ്ഞിട്ടും ഇയാള് നഗ്നതാ പ്രദര്ശനം തുടരുകയായിരുന്നു.
