ന്യൂദല്ഹി: മാലിദ്വീപില് പ്രസിഡന്റായി വന്ന മുഹമ്മദ് മൊയ്സു ഒരു കാലത്ത് ഇന്ത്യയെ കഠിനമായി വെറുത്ത ആളാണ്. അദ്ദേഹം അധികാരത്തില് വന്ന ഉടനെ മാലിദ്വീപിലെ ഇന്ത്യന് പട്ടാളക്കാരെ പുറത്താക്കി. മാലിദ്വീപിലെ മന്ത്രിമാര് മോദിയെ കഠിനമായി പരിഹസിക്കുകയുംചെയ്തു. പക്ഷെ ഇന്ത്യ ഇതിനോട് പ്രതികരിച്ചില്ല. മോദിയും കൂട്ടരും ക്ഷമയോടെ കാത്തിരുന്നു. നയതന്ത്രത്തിലെ ഏറ്റവും വിഷകരമായ നൂല്പ്പാലത്തിലൂടെ മോദിയും കൂട്ടരും നടന്നു. പക്ഷെ ആ മുഹമ്മദ് മൊയ്സുവിനെ മെരുക്കിയ മോദിയുടെ ഈ നയതന്ത്രത്തിന് ലോകമെങ്ങും കയ്യടിക്കുകയാണിപ്പോള്.
പ്രസിഡന്റായി വന്ന മുഹമ്മദ് മൊയ്സു ആദ്യം സന്ദര്ശിച്ചത് ചൈനയാണ്. അദ്ദേഹം ചൈനയുടെ അനുയായിയായി നിന്നു. മൊയ്സുവിന് ചൈന കടങ്ങള് കൊടുത്തുകൊണ്ടേയിരുന്നു. ചൈനയുടേത് ചതിയുടെ സ്നേഹമാണെന്ന് മാലിദ്വീപ് വൈകാതെ തിരിച്ചറിഞ്ഞു. ശ്രീലങ്കയ്ക്കും പാകിസ്ഥാനും കോടികള് കടം കൊടുത്ത ശേഷം, തിരിച്ചുകൊടുക്കാന് പണമില്ലെങ്കില് ആ രാജ്യത്തെ വിമാനത്താവളമോ തുറമുഖമോ സ്വന്തമാക്കുന്ന ചൈനയെക്കുറിച്ച് അറിഞ്ഞ മുഹമ്മദ് മൊയ്സു മെല്ലെ ചൈനയുമായി അകന്നു. പകരം അദ്ദേഹം എപ്പോഴും തങ്ങളെ സ്നേഹിച്ചിരുന്ന മോദിയിലേക്ക് തിരിച്ചുനടക്കുകയായിരുന്നു. തെറ്റു ചെയ്ത മകന് തിരിച്ചുവരുന്ന പോലെ മൊയ്സ്സു മോദിയുടെ അരികില് വന്നു. ഒരാഴ്ചയാണ് മോദി മുഹമ്മദ് മൊയ്സ്സുവിനെയും ഭാര്യയെയും ഇന്ത്യയിലേക്ക് ക്ഷണിച്ചത്. ഊഷ്മളമായിരുന്നു ആ സ്വീകരണം. ആ സന്ദര്ശനത്തില് ഒട്ടേറെ കരാറുകള് ഒപ്പുവെച്ചിരുന്നു. മാലിദ്വീപിന് യഥാര്ത്ഥത്തില് ഗുണം ചെയ്യുന്ന കരാറുകളായിരുന്നു ഇവ. വിദ്യാഭ്യാസം, ബിസിനസ് സംരംഭങ്ങള്, പ്രതിരോധം എന്നീ രംഗത്തുള്ള സഹകരണങ്ങള്.
മുഹമ്മദ് മൊയ്തു പ്രസിഡന്റായ ശേഷം ആദ്യമായി മാലിദ്വീപ് സന്ദര്ശിച്ച പുറത്തുനിന്നുള്ള ഒരു രാഷ്ട്ര നേതാവ്മോദിയാണ്. മോദി ഒരു അത്ഭുതവ്യക്തിത്വമാണെന്നും തന്റെ അയല്ക്കാരുമായി ബന്ധങ്ങള് വളര്ത്താന് എന്നും ശ്രദ്ധിച്ച നേതാവാണ് മോദിയെന്നുമാണ് മൊയ്സ്സു കഴിഞ്ഞ ദിവസം പറഞ്ഞത്. ഭാവിയിലും മോദി മാലിദ്വീപിനെ സ്നേഹിക്കുമെന്നുറപ്പുണ്ടെന്നും മുഹമ്മദ് മൊയ്സ്സുപറഞ്ഞു. ഇക്കഴിഞ്ഞ ദിവസം മാലിദ്വീപ് സന്ദര്ശിച്ച മോദി സ്നേഹത്തോടെ മാലിദ്വീപിന് നല്കിയത് 4000ല്പരം കോടിയുടെ പദ്ധതിയാണ്.
മാലിദ്വീപില് ആകെ ജനസംഖ്യ അഞ്ച് ലക്ഷത്തില് അധികം മാത്രമാണ്. മലപ്പുറം ജില്ലയില് 40 ലക്ഷത്തില് അധികം പേരുണ്ട്. അതായത് കേരളത്തിലെ ഒരു ജില്ലയുടെ അത്രപോലും ജനസംഖ്യയില്ല. ആയിരത്തില് പരം പവിഴദ്വീപുകളാണ് മാലിദ്വീപ്. അവിടം ഇപ്പോള് മോദി, മോദി മന്ത്രം ഉയരുകയാണ്.
