തിരുവനന്തപുരം: സംസ്ഥാനത്ത് മഴ അതിതീവ്രമാകുമെന്ന് പ്രവചനം, മൂന്ന് ജില്ലകളില് റെഡ് അലര്ട്ട് പ്രഖ്യാപിച്ചു. എല്ലാ ജില്ലകളിലും ശക്തമായ കാറ്റിനും മഴയ്ക്കും സാധ്യതയുള്ളതിനാല് രാത്രി പ്രത്യേക ജാഗ്രത പാലിക്കണം. എറണാകുളം, ഇടുക്കി, തൃശൂര് ജില്ലകളിലാണ് റെഡ് അലര്ട്ട് . പത്തനംതിട്ട, കോട്ടയം, പാലക്കാട്, മലപ്പുറം, കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ടും, ആലപ്പുഴ, കൊല്ലം, തിരുവനന്തപുരം ജില്ലകളില് യെല്ലോ അലര്ട്ടുമാണ്.
സംസ്ഥാനത്തൊട്ടാകെ അതിശക്തമായ മഴയ്ക്കും കാറ്റിനും സാധ്യതയുണ്ട്. നദികളില് ജലനിരപ്പ് ഉയര്ന്നതിനെത്തുടര്ന്ന് പ്രളയസാധ്യതാ മുന്നറിയിപ്പും നല്കിയിട്ടുണ്ട്.
