തിരുവനന്തപുരം: കാട്ടാക്കടയിലെ ബാങ്ക് ഓഡിറ്റോറിയത്തിൽ നമോ സേവാ കേന്ദ്രത്തിന്റെ ആഭിമുഖ്യത്തിൽ സംഘടിപ്പിക്കുന്ന എഡ്യുക്കേഷണൽ എക്സലൻസി അവാർഡ് ചടങ്ങ് ഞായറാഴ്ച (ജൂലൈ 27, 2025), വൈകുന്നേരം നാലു മണിക്ക് അരങ്ങേറും. പരിപാടിക്ക് പി.കെ. കൃഷ്ണദാസ് അധ്യക്ഷത വഹിക്കും. കേന്ദ്ര ഫിഷറീസ്, ന്യൂനപക്ഷകാര്യ സഹമന്ത്രി ജോർജ്ജ് കുര്യൻ ചടങ്ങ് ഉദ്ഘാടനം ചെയ്യും. 900 ഉന്നതവിജയം നേടിയ വിദ്യാർത്ഥികൾക്കും തിരഞ്ഞെടുക്കപ്പെട്ട 14 സ്കൂളുകൾക്കും ചടങ്ങിൽ അവാർഡുകൾ വിതരണം ചെയ്യും.
2017-ൽ പി.കെ. കൃഷ്ണദാസിന്റെ നേതൃത്വത്തിൽ സ്ഥാപിതമായ നമോ സേവാ കേന്ദ്രം, കാട്ടാക്കട നിവാസികളുടെ ജീവിതത്തിൽ ശാശ്വതമായ മാറ്റം സൃഷ്ടിക്കുന്നതിനു വേണ്ടി പ്രവർത്തിക്കുന്ന ഒരു സമർപ്പിത സാമൂഹിക സേവന സംഘടനയാണ്. ഇതു വരെ വിദ്യാഭ്യാസം, ആരോഗ്യസംരക്ഷണം, സാമൂഹിക ക്ഷേമം എന്നീ മേഖലകളിൽ ശ്രദ്ധേയം ആയ നിരവധി പദ്ധതികൾ നമോ സേവാ കേന്ദ്രം നടപ്പാക്കിയിട്ടുണ്ട്.
ബിജെപി തിരുവനന്തപുരം സൗത്ത് പ്രസിഡൻ്റ് മുക്കംപാലമൂട് ബിജു, നമോ സേവാ കേന്ദ്രം സെക്രട്ടറി സുധീഷ് കുന്നുവിള, ഗുഡ് ഷെപേർഡ് ഗ്രൂപ്പ് മാനേജിംഗ് ഡയറക്ടർ ടോജോ ജോൺ എന്നിവർ അതിഥികളായി പങ്കെടുക്കും. വിദ്യാർത്ഥികളുടെ കഴിവുകളെയും വിദ്യാലയങ്ങളുടെ പ്രതിബദ്ധതയെയും പ്രോത്സാഹിപ്പിക്കുന്നതിനായി നമോ സേവാ കേന്ദ്രം നടത്തുന്ന ഈ അവാർഡ് ചടങ്ങ്, സമൂഹത്തെ ശാക്തീകരിക്കുന്നതിലേക്കുള്ള ഒരു വലിയ പടി കൂടിയാണ്.
കൂടുതൽ വിവരങ്ങൾക്ക് ബന്ധപ്പെടുക:
നമോ സേവാ കേന്ദ്രം
കാട്ടാക്കട, തിരുവനന്തപുരം
ഫോൺ: 88933 04140
