കോട്ടയം: പൊലീസിനെ കണ്ട് ഓടി, പിടികൂടി പരിശോധിച്ചപ്പോള് ഒന്നരക്കിലോ കഞ്ചാവു കണ്ടെത്തി, പശ്ചിമബംഗാള് സ്വദേശി അറസ്റ്റില്. ബിസ്വാനന്ദ്പുര് ബില്ബറായില് ഗുരുപാദ റോയിയെയാണ് (28) ഈരാറ്റുപേട്ട പോലീസ് പിടികൂടിയത്. ബുധനാഴ്ച രാത്രി ഈരാറ്റുപേട്ടയില് പേ്രടാളിംഗ് നടത്തുന്നതിനിടെ പോലീസ് സംഘത്തെ കണ്ട് പിന്തിരിഞ്ഞ് ഓടിയതു ശ്രദ്ധയില് പെട്ടതോടെ പിടികൂടി പരിശോധിച്ചപ്പോഴാണ് കയ്യിലുണ്ടായിരുന്ന പ്ലാസ്റ്റിക് സഞ്ചിയില് നിന്ന് സിപ്പ് ലോക്ക് കവറുകളിലാക്കി സൂക്ഷിച്ചിരുന്ന ഒന്നര കിലോയോളം കഞ്ചാവ് കണ്ടെടുത്തത്.
ജില്ലാ പോലീസ് മേധാവിയുടെ ലഹരി വിരുദ്ധ സ്ക്വാഡും പോലീസും ചേര്ന്ന് ഈരാറ്റുപേട്ടയില് നിരീക്ഷണം നടത്തി വരികയായിരുന്നു. പ്രതിയെ കോടതിയില് ഹാജരാക്കി റിമാന്ഡ് ചെയ്തു.
