തിരുവനന്തപുരം: സസ്പെന്ഡ് ചെയ്ത് 9 മാസങ്ങള്ക്ക് ശേഷം എന് പ്രശാന്ത് ഐഎഎസിനെതിരെ അന്വേഷണം പ്രഖ്യാപിച്ച് സര്ക്കാര്. സസ്പെന്ഡ് ചെയ്ത് ആറ് മാസത്തിനകം അന്വേഷണ റിപ്പോര്ട്ട് നല്കണമെന്നാണ് ചട്ടമെന്ന് വിദഗ്ധര് ചൂണ്ടിക്കാട്ടുന്നു. ഇതു മറിടന്നാണ് ഇപ്പോള് അന്വേഷണം പ്രഖ്യാപിച്ചിരിക്കുന്നത്. മുതിര്ന്ന ഐഎഎസ് ഉദ്യോഗസ്ഥരെ സമൂഹ മാധ്യമങ്ങളില് അധിക്ഷേപിച്ചുവെന്ന് കാട്ടിയാണ് അന്വേഷണം നടത്തുന്നത്. അഡീ ചീഫ് സെക്രട്ടറി രാജന് ഖൊബ്രഗഡെ ആണ് അന്വേഷണ ഉദ്യോഗസ്ഥന്. പ്രിന്സിപ്പല് സെക്രട്ടറി ടിങ്കു ബിസ്വാള് പ്രസന്റിംഗ് ഓഫീസറുമാണ്.
പ്രശാന്ത് കുറ്റപത്ര മെമ്മോയി പറഞ്ഞിരുന്ന കുറ്റങ്ങളെല്ലാം നിഷേധിക്കുകയായിരുന്നെന്നും ഇതിന് പറയുന്ന ന്യായങ്ങള് അംഗീകരിക്കാന് കഴിയില്ലെന്നും അന്വേഷണം പ്രഖ്യാപിച്ചുകൊണ്ടുള്ള ഉത്തരവില് പറയുന്നു.
