നോംപെന് : കംബോഡിയ-തായ്ലന്ഡ് സംഘര്ഷം രൂക്ഷം. കംബോഡിയന് പ്രവിശ്യകളില് തായ് ലന്ഡ് സൈന്യം എഫ് 16 പോര്വിമാനം ഉപയോഗിച്ച് ബോംബാക്രമണം നടത്തി. കംബോഡിയന് സൈന്യം തായ്ലന്ഡിലെ സിസാകെറ്റ് പ്രവിശ്യയിലെ ഗ്യാസ് സ്റ്റേഷനില് ആക്രമണം നടത്തിയെന്നും റിപ്പോര്ട്ടുണ്ട്. ഇരു രാജ്യങ്ങളും തങ്ങളുടെ നയതന്ത്ര പ്രതിനിധികളെ പിന്വലിച്ചു.
വടക്കുപടിഞ്ഞാറന് കംബോഡിയയിലെ ഒദ്ദാര് മീഞ്ചെ പ്രവിശ്യയില് അതിര്ത്തി തര്ക്കം നിലനില്ക്കുന്ന പ്രദേശത്ത് ഇന്നു രാവിലെ ഉണ്ടായ സംഘര്ഷത്തില് രണ്ട് തായ് പൗരന്മാര് കൊല്ലപ്പെടുകയും രണ്ട് തായ് സൈനികര്ക്ക് പരിക്കേറ്റെന്നുമാണ് വിവരം. കംബോഡിയ ദീര്ഘദൂര ബി എം 21 ഗ്രാഡ് റോക്കറ്റുകളടക്കം പ്രയോഗിച്ചെന്ന് തായ്ലന്ഡ് പറഞ്ഞു. ഇതേ തുടര്ന്ന് കംബോഡിയയില് ബോംബാക്രമണം നടത്തിയെന്നും തായ് ലന്ഡ് പറഞ്ഞു.നിരവധി പേര് മരിച്ചതായും റിപ്പോര്ട്ടുണ്ട്.
കംബോഡിയയുമായി അതിര്ത്തി പങ്കിടുന്ന തായ്ലന്ഡിലെ സുരിന് പ്രവിശ്യയിലെ 86 ഗ്രാമങ്ങളില് നിന്നും നാല്പതിനായിരത്തോളം തായ് പൗരന്മാരെ ഒഴിപ്പിച്ചു.
